“என் கௌரவமே முக்கியம்..” 16 வயது மகளை துண்டு துண்டாக வெட்டிய தந்தை.. ரயிலுக்குள் காத்திருந்த பயங்கர அதிர்ச்சி..!!

உத்தரபிரதேச மாநிலத்தில் தந்தை ஒருவரே தன் பெற்ற மகளை ஆணவக் கொலை செய்து, உடலை துண்டு துண்டாக வெட்டி ரயிலில் வீசிய கொடூர சம்பவம் பெரும் அதிர்ச்சியை ஏற்படுத்தியுள்ளது. காதல் விவகாரம் காரணமாக ஆத்திரமடைந்த தந்தை இந்த கொடூர செயலில் ஈடுபட்டுள்ளார்.

போலீசாரின் முதற்கட்ட விசாரணையின்படி, அந்த பதின்பருவ (டீனேஜ்) பெண் அதே பகுதியைச் சேர்ந்த வாலிபர் ஒருவரை காதலித்து வந்ததாகக் கூறப்படுகிறது. இதற்கு பெண்ணின் தந்தை கடுமையான எதிர்ப்பு தெரிவித்துள்ளார். எச்சரித்த பின்னும் மகள் கேட்காததால், ஆத்திரமடைந்த தந்தை அவரை அடித்துக் கொலை செய்துள்ளார்.

பின்னர், கொலையை மறைப்பதற்காக மகளின் உடலை துண்டு துண்டாக வெட்டி மூட்டைகளில் கட்டியுள்ளார். அந்த மூட்டைகளை ஓடும் ரயிலில் வீசி எறிந்துள்ளார். ரயில்வே தண்டவாளம் மற்றும் ரயில் பெட்டிகளில் இருந்து உடற்பாகங்கள் மீட்கப்பட்டதை அடுத்து, போலீசார் வழக்குப்பதிவு செய்து கொடூர தந்தையை கைது செய்து தீவிர விசாரணை நடத்தி வருகின்றனர்.