வாகன ஓட்டிகளே உஷார்! உயர்கிறது ஃபாஸ்டேக் கட்டணம்.. ஏப்ரல் 1 முதல் புதிய அதிரடி மாற்றம்..!!

தேசிய நெடுஞ்சாலைகளில் பயணிக்கப் பயன்படுத்தப்படும் ஃபாஸ்டேக் (FASTag) ஆண்டு பாஸ் கட்டணத்தை உயர்த்தி தேசிய நெடுஞ்சாலை ஆணையம் அதிரடி உத்தரவு பிறப்பித்துள்ளது. இதன்படி, இதுவரை ரூ.3,000-ஆக இருந்த ஆண்டு பாஸ் கட்டணம், வரும் ஏப்ரல் 1-ம் தேதி முதல் ரூ.3,075-ஆக அதிகரிக்கப்பட உள்ளது. இந்த புதிய கட்டண உயர்வு நடைமுறைக்கு வந்த பிறகு, வாகன ஓட்டிகள் ஒரு வருடம் அல்லது 200 பயணங்களுக்குத் தடையின்றி சுங்கச்சாவடிகளைக் கடக்க முடியும் எனத் தெரிவிக்கப்பட்டுள்ளது.

வாகன ஓட்டிகள் இந்த புதிய ஆண்டு பாஸினை ‘Rajmarg Yatra’ என்ற அதிகாரப்பூர்வ செயலி வாயிலாக எளிதாகப் பெற்றுக்கொள்ளலாம். அடிக்கடி நெடுஞ்சாலைகளில் பயணம் மேற்கொள்ளும் பயணிகள் மற்றும் சரக்கு வாகன உரிமையாளர்கள், இந்த கட்டண மாற்றத்தைக் கவனத்தில் கொண்டு தங்களது பயணங்களைத் திட்டமிடுமாறு அறிவுறுத்தப்பட்டுள்ளது. டிஜிட்டல் பரிவர்த்தனைகளை ஊக்குவிக்கவும், சுங்கச்சாவடிகளில் காத்திருப்பு நேரத்தைக் குறைக்கவும் இந்த ஃபாஸ்டேக் நடைமுறை தொடர்ந்து மேம்படுத்தப்பட்டு வருகிறது.