மத்திய நிதி அமைச்சகத்தின் கீழ் இயங்கும் சென்னை சுங்க அலுவலகத்தில் (Chennai Customs) காலியாக உள்ள டிரேட்ஸ்மேன், சீமேன் மற்றும் கிரேசர் போன்ற குரூப்-சி பிரிவில் மொத்தம் 10 பணியிடங்களை நிரப்புவதற்கான அறிவிப்பு வெளியிடப்பட்டுள்ளது. பத்தாம் வகுப்பு அல்லது ஐடிஐ (ITI) முடித்த 18 முதல் 25 வயதுக்கு உட்பட்ட விண்ணப்பதாரர்கள் இப்பணிகளுக்கு விண்ணப்பிக்கலாம். தேர்ந்தெடுக்கப்படுபவர்களுக்கு மாதம் ரூ.19,900 முதல் ரூ.63,200 வரை ஊதியம் வழங்கப்படும். எழுத்துத் தேர்வு மற்றும் உடற்திறன் தேர்வு ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.
விருப்பமுள்ளவர்கள் https://chennaicustoms.gov.in என்ற அதிகாரப்பூர்வ இணையதளத்தில் விண்ணப்பப் படிவத்தைப் பதிவிறக்கம் செய்து, பூர்த்தி செய்த படிவத்தை ஏப்ரல் 30, 2026-க்குள் சென்னை ராஜாஜி சாலையில் உள்ள சுங்க அலுவலக முகவரிக்கு அனுப்ப வேண்டும். கூடுதல் விவரங்களுக்கு இணையதளம் அல்லது Cuschn-estt@gov.in என்ற மின்னஞ்சல் முகவரியைத் தொடர்பு கொள்ளலாம். விமான நிலையங்கள் மற்றும் துறைமுகங்களில் மத்திய அரசுப் பணியில் சேர விரும்பும் இளைஞர்களுக்கு இது ஒரு சிறந்த வாய்ப்பாகும்.