BREAKING: பிரபல தமிழ் நடிகர் ஜி.சீனிவாசன் தீடீர் மரணம்… சோகத்தில் ஒட்டுமொத்த திரையுலகம்… ஆழ்ந்த இரங்கல்…!

தமிழ் சினிமாவில் இயக்குனர், எழுத்தாளர் மற்றும் நடிகர் என்று பன்முக திறமை கொண்டவர் தான் ஜி. சீனிவாசன்(95). இவர் எட்டு படங்களை எழுதியும் மூன்று திரைப்படங்களை இயக்கியும் உள்ளார். முரட்டுக்காளை, வாழ்வே மாயம், ஸ்ரீ ராகவேந்திரா, மனிதன், ராஜாதி ராஜா, உரிமை கீதம், ஐயா, வேங்கை உள்ளிட்ட தமிழ் படங்கள் உட்பட தெலுங்கு மற்றும் மலையாளம் மொழிகளில் சுமார் 200க்கும் மேற்பட்ட படங்களில் இவர் நடித்துள்ளார்.

இவருடைய மனைவி புலியூர் சரோஜா. இவரும் 90களில் மிகவும் பிரபலமான நடன இயக்குனராக இருந்தவர். இவர்களின் மகன் சில ஆண்டுகளுக்கு முன்பு விபத்தில் உயிரிழந்தார். இப்படியான நிலையில் நடிகர் ஜி சீனிவாசன் உடல் நலக்குறைவால் இன்று காலமானார். இவருடைய உடல் பொதுமக்கள் அஞ்சலிக்காக நாளை மதியம் 1.30 மணி வரை அவரது வீட்டில் வைக்கப்படுகிறது. தொடர்ந்து ஏவிஎம் இன் மயானத்தில் அவரது உடல் தகனம் செய்யப்பட உள்ளது.