உலகப்புகழ் பெற்ற ‘டாசன்ஸ் கிரீக்’ (Dawson’s Creek) தொடரின் நாயகன் ஜேம்ஸ் வான் டெர் பீக் (48), குடல் புற்றுநோயால் பாதிக்கப்பட்டு இன்று (பிப்.12) காலமான செய்தி ஹாலிவுட் திரையுலகையே சோகத்தில் ஆழ்த்தியுள்ளது. கடந்த 2023-ம் ஆண்டு இவருக்குப் புற்றுநோய் கண்டறியப்பட்ட நிலையில், அதற்காகத் தீவிர சிகிச்சை பெற்று வந்த அவர், இன்று காலை சிகிச்சை பலனின்றி உயிரிழந்ததாக அவரது குடும்பத்தினர் அதிகாரப்பூர்வமாக அறிவித்துள்ளனர்.
1990-களின் இறுதியில் இளைஞர்களின் ஆதர்ச நாயகனாகத் திகழ்ந்த ஜேம்ஸ், தனது நோயைப் பற்றித் தெரிந்த பின்னரும் மிகுந்த மன உறுதியுடன் காணப்பட்டார். இவரது மறைவுக்கு உலகெங்கிலும் உள்ள திரையுலக பிரபலங்களும் ரசிகர்களும் சமூக வலைதளங்கள் வாயிலாகத் தங்களது ஆழ்ந்த இரங்கல்களைத் தெரிவித்து வருகின்றனர். ‘டாசன்ஸ் கிரீக்’ தவிர ‘வார்சிட்டி ப்ளூஸ்’ (Varsity Blues) போன்ற திரைப்படங்கள் மூலம் அவர் என்றும் ரசிகர்கள் மனதில் நிலைத்திருப்பார்.