நடிகை ரேவதி தனது 47 வயதில் குழந்தை பெற்றுக் கொண்டுள்ளார் தற்பொழுது இந்த குழந்தையின் புகைப்படம் இணையத்தில் வெளியாகியுள்ளது.
பாரதிராஜா இயக்கத்தில் வெளியான ‘மண்வாசனை’ படம் தமிழ் திரை உலகில் அறிமுகமானவர் நடிகை ரேவதி. 80களில் முன்னணி நடிகர்களாக இருந்த ரஜினி, கமல், கார்த்தி, மோகன், பிரபு போன்றவருடன் நடித்து தமிழ் திரை உலகில் தனக்கென ஒரு தனி இடத்தை பிடித்தார். இவர் தமிழ் மட்டுமின்றி ஹிந்தி, தெலுங்கு, கன்னடம் , மலையாளம் போன்ற பல்வேறு மொழி படங்களில் நடித்துள்ளார்.
நடிகையாக மட்டுமின்றி பல்வேறு படங்களை இயக்கியும் உள்ளார். இவர் நடிப்பில் வெளிவந்த தேவர் மகன், மகளிர் மட்டும், புன்னகை மன்னன் ஆகிய திரைப்படங்கள் ரசிகர்கள் மத்தியில் நல்ல வரவேற்பு பெற்றது. சினிமா துறையில் பல சாதனைகளை புரிந்து இருந்தாலும், இவருடைய திருமண வாழ்க்கை அவ்வளவு சிறப்பாக அமையவில்லை.
இவர் 1986இல் ஒளிப்பதிவாளர் சுரேஷ் சந்திர மேனன் என்பவரை காதலித்து திருமணம் செய்து கொண்டார். திருமணத்திற்கு பிறகு சில ஆண்டுகள் சினிமாவில் நடிக்காமல் இருந்தார். திருமணமாகி 27 வருடங்களுக்கு குழந்தை இல்லை. இதனால் சுரேஷ் மேனனுக்கும் ரேவதிக்கும் கருத்து வேறுபாடு காரணமாக 2002ல் விவாகரத்து பெற்றனர்.
2018 தனக்கு ஐந்து வயது பெண் குழந்தை இருப்பதாக பேட்டி ஒன்றில் அறிவித்தார் நடிகை ரேவதி. இது பலருக்கும் ஆச்சரியத்தை கொடுத்த நிலையில் இது அவருடைய தத்து குழந்தை என்று அனைவரும் கூற ஆரம்பித்தனர். ஆனால் அவரோ, நான் எனது 47வது வயதில் டெஸ்ட் டியூப் மூலம்கருவுற்றேன். என்னுடைய மகள் மகி தத்து குழந்தை இல்லை. நான் பத்து மாதம் சுமந்து பெற்ற குழந்தை என்று கூறியுள்ளார். தற்பொழுது இந்த குழந்தையின் புகைப்படம் இணையத்தில் வைரல் ஆகி வருகிறது.
