இனி ரூ.500 நோட்டுக்கள் செல்லாது?… உடனே வாபஸ்… தீயாய் பரவும் செய்திக்கு மத்திய அரசு விளக்கம்…!

இந்தியாவில் வருகின்ற 2025 செப்டம்பர் 30ஆம் தேதிக்குள் 500 ரூபாய் நோட்டுகள் செல்லாது என்று சமூக வலைத்தளங்களில் ஒரு தகவல் பரவி வருகின்றது. 2016 ஆம் ஆண்டு மத்திய அரசு 500 மற்றும் ஆயிரம் ரூபாய் நோட்டுக்களை வாபஸ் பெற்றது. கருப்பு பணத்தை கட்டுப்படுத்தும் நோக்கத்தில் எடுக்கப்பட்ட இந்த நடவடிக்கை பொதுமக்கள் மத்தியில் பெரும் சிரமத்தை ஏற்படுத்தியது. ஏடிஎம் வாசல்களில் நீண்ட வரிசைகள் காணப்பட்டன. இப்படியான சூழலில் மீண்டும் ஒரு பண மதிப்பிழப்பு நடவடிக்கை தயாராகுமாறு சமூக வலைத்தளத்தில் வதந்திகள் பரப்பப்பட்டு வருகின்றது.

வாட்ஸ் அப்பில் பரவி வரும் ஒரு தகவலில் ரிசர்வ் வங்கி 2025 செப்டம்பர் 30-ஆம் தேதிக்குள் ஏடிஎம்களில் 500 ரூபாய் நோட்டுகள் வழங்குவதை நிறுத்தும்படி வங்கிகளுக்கு அறிவுறுத்தியுள்ளது. 75 சதவீதம் 500 ரூபாய் நோட்டுகளின் புழக்கத்தை அக்டோபர் மாதத்திற்குள் குறைக்க வேண்டும் என்றும் 90% புழக்கத்தை 2026 ஆம் ஆண்டு மார்ச் மாதத்திற்குள் குறைக்க வேண்டும் என்றும் அந்த செய்தியில் குறிப்பிடப்பட்டுள்ளது.

மேலும் ஏடிஎம்களில் இனி 100 மற்றும் 200 ரூபாய் நோட்டுகள் மட்டுமே கிடைக்கும் எனவும் பொதுமக்கள் தங்கள் கையில் உள்ள 500 ரூபாய் நோட்டுக்களை செலவழித்து விடுமாறு அறிவுறுத்தப்பட்டுள்ளது. இந்தச் செய்தியை முற்றிலும் போலியானது என்பதை மத்திய அரசின் தகவல் சரிபார்ப்பு குழு உறுதி செய்துள்ளது. 500 ரூபாய் நோட்டுகள் தொடர்ந்து சட்டப்படி செல்லும் எனவும் இது போன்ற வதந்திகளை மக்கள் யாரும் நம்பி ஏமாற வேண்டாம் என்றும் மத்திய அரசு அறிவுறுத்தியுள்ளது.