தமிழ்நாடு சட்டப் பேரவையின் பட்ஜெட் கூட்டத்தொடரில், ஆளுங்கட்சி மற்றும் எதிர்க்கட்சி உறுப்பினர்களுக்கு இடையே நடைபெற்ற சுவாரஸ்யமான விவாதம் சட்டப்பேரவையைச் சிரிப்பலையில் மூழ்கடித்துள்ளது. நிதியமைச்சர் மரிய வில்சன் பொது பட்ஜெட்டையும், வேளாண் துறை அமைச்சர் வினோத் வேளாண் பட்ஜெட்டையும் தாக்கல் செய்ததைத் தொடர்ந்து, பட்ஜெட் மீதான விவாதம் விறுவிறுப்பாக நடைபெற்று வருகிறது. இதனிடையே, அரசுத் துறை மற்றும் கல்வி நிறுவனங்களில் தமிழ்த்தாய் வாழ்த்தைக் கட்டாயமாக்கும் தனித் தீர்மானத்தை முதலமைச்சர் விஜய் கொண்டு வந்த நிலையில், பேரவையில் எம்ஆர்கே பன்னீர்செல்வம் மற்றும் அமைச்சர் புஸ்ஸி ஆனந்த் இடையே நடைபெற்ற சுவாரஸ்யமான வார்த்தைப் போர் அனைவரின் கவனத்தையும் ஈர்த்தது.
விவாதத்தின் போது பேசிய எம்ஆர்கே பன்னீர்செல்வம், “ஐஏஎஸ் அதிகாரிகள் முதல் நாங்களெல்லாம் டென்ஷனாக இருக்கும்போது, நீங்களெல்லாம் பேரவையில் மிகவும் ரிலாக்ஸாக இருப்பதுதான் ஆச்சரியமாக இருக்கிறது” என்று நகைச்சுவையாகக் குறிப்பிட்டார். இதைக் கேட்டு சபாநாயகர் ஜே.சி.டி.பிரபாகர், முதலமைச்சர் விஜய் உட்பட அனைவரும் விழுந்து விழுந்து சிரித்தனர். இதற்குப் பதிலளித்துப் பேசிய அமைச்சர் புஸ்ஸி ஆனந்த், “சிறிய வாய்க்கால் பிரச்சனை என்றால் கூட முதலமைச்சர் நள்ளிரவிலும், காலையிலும் தொலைபேசியில் அழைத்து விசாரிக்கும் அளவுக்குப் பொறுப்புடன் செயல்படுகிறார். நீங்களாவது ஐந்து ஆண்டுகள் தான் டென்ஷனாக இருந்தீர்கள்; ஆனால் நாங்கள் தினமும் பயத்துடனும் டென்ஷனுடனும்தான் பணியாற்றுகிறோம்” என உடனடி பதிலடி கொடுத்தார்.
இதனைத் தொடர்ந்து மீண்டும் பேசிய எம்ஆர்கே பன்னீர்செல்வம், புதிதாக ஆட்சிக்கு வந்துள்ள இயக்கத்திற்குத் தொண்டர்களைச் சமாளிப்பது தொடக்கத்தில் எளிதாகத் தோன்றினாலும், போகப் போகத் தான் அதன் உண்மையான சிரமம் தெரியும் எனத் தன் அனுபவத்தைப் பகிர்ந்துகொண்டார். “மேடைகளில் பேசுவது எளிது, ஆனால் ஒரு ஆட்சியை நடத்துவதுதான் கடினம். கடந்த 5 ஆண்டுகால ஆட்சியில் விவசாயிகள் எந்தப் போராட்டமும் இன்றி அமைதியாக வாழ்ந்தார்கள்” என்றும் அவர் சுட்டிக்காட்டினார். ஆளுங்கட்சியின் செயல்பாடுகள் மற்றும் எதிர்க்கட்சியின் அனுபவப்பூர்வமான கருத்துக்கள் கலந்த இந்த நகைச்சுவையான விவாதம், சட்டப் பேரவை கூட்டத்தொடரின் சிறப்பம்சமாக அமைந்தது.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…