மீண்டும் ஒரு கோர விமான விபத்து… அவசரமாக தரையிறங்க முயன்று தீப்பற்றி எரிந்த விமானம்… பயணிகளின் பரிதாப நிலை… ஷாக்கிங் வீடியோ…!

உலகம் முழுவதும் விமான விபத்து என்பது அடிக்கடி நிகழ்ந்து கொண்டிருக்கிறது. அதன்படி மெக்சிகோவில் நடந்த ஒரு தனியார் விமான விபத்து உலகையே அதிர்ச்சியில் ஆழ்த்தியுள்ளது. இந்த கோர விபத்தில் ஏழு பேர் உயிரிழந்ததாக அதிகாரிகள் உறுதிப்படுத்தியுள்ளனர். பசிபிக் கடற்கரை நகரமான அகாபுல்கோவிலிருந்து தனியார் நிறுவனத்திற்கு சொந்தமான சிறிய ரக விமானம் ஒன்று இரண்டு ஊழியர்கள் மற்றும் 8 பயணிகளுடன் புறப்பட்டது. ஆனால் புறப்பட்ட சில நிமிடங்களிலேயே விமானத்தில் தொழில்நுட்ப கோளாறு ஏற்பட்டதை தொடர்ந்து விமானி சுதாகரித்தார். உடனடியாக விமானத்தை அங்கிருந்த கால்பந்து மைதானத்தில் அவசரமாக தரையிறக்க முயன்ற போது விமானம் கட்டுப்பாட்டை இழந்து தரையில் மோதி தீ பற்றி நொறுங்கியது.

இந்த விபத்து மெக்சிகோ நகரத்திலிருந்து மேற்கே சுமார் 50 கிலோமீட்டர் தொலைவிலும், டோலுகா விமான நிலையத்தில் இருந்து ஐந்து கிலோ மீட்டர் தூரத்தில் உள்ள பகுதியில் நடந்தது. விபத்துக்கு பிறகு மேற்கொள்ளப்பட்ட தேடுதல் பணிகளில் ஏழு உடல்கள் மீட்கப்பட்டுள்ளன. பாதுகாப்பு முன்னெச்சரிக்கையாக விபத்து நடந்த பகுதியை சுற்றியுள்ள சுமார் 130 பேர் உடனடியாக பாதுகாப்பான இடங்களுக்கு வெளியேற்றப்பட்ட நிலையில் அதிகாரிகள் விசாரணை மேற்கொண்டு வருகிறார்கள். தற்போது அது தொடர்பான வீடியோ இணையத்தில் வெளியாகி அதிர்ச்சியை ஏற்படுத்தியுள்ளது.