குஜராத் மாநிலம் ராஜ்கோட் பகுதியில் அமைந்துள்ள 150 அடி ரிங் ரோட்டின் அம்பேத்கர் சௌக் அருகே, சாலையைக் கடக்க முயன்ற வயதான மூதாட்டி ஒருவர் மீது அதிவேகமாக வந்த ஆட்டோ ஒன்று பயங்கரமாக மோதியுள்ளது. இந்த மோதலின் வேகத்தில் அந்த மூதாட்டி பல அடி தூரத்திற்குத் தூக்கி வீசப்பட்டு சாலையில் தூக்கி எறியப்பட்டார். அதே சமயத்தில், எதிர்பாராத இந்த விபத்தால் ஏற்பட்ட பலத்த அதிர்வில், ஆட்டோவுக்குள் பயணித்துக் கொண்டிருந்த பயணி ஒருவரும் ஆட்டோவிலிருந்து வெளியே தூக்கி வீசப்பட்டார்.
இந்த திடுக்கிடும் விபத்து தொடர்பான ஒட்டுமொத்தக் காட்சிகளும் அங்கிருந்த கண்காணிப்புக் கேமராவில் பதிவாகி நெஞ்சை பதற வைத்துள்ளது. பலத்த காயமடைந்து உயிருக்குப் போராடிக்கொண்டிருந்த அந்த மூதாட்டியை மீட்டு, சிகிச்சைக்காக உடனடியாக அருகில் உள்ள அரசு பொது மருத்துவமனைக்கு அனுப்பி வைத்தனர். இச்சம்பவம் குறித்து வழக்குப் பதிவு செய்துள்ள காவல்துறையினர், சிசிடிவி பதிவுகளை ஆய்வு செய்து விபத்துக்கான காரணம் குறித்து தீவிரமாக விசாரணை நடத்தி வருகின்றனர்.