அதிமுகவில் எடப்பாடி பழனிசாமி தலைமையில் ஒரு அணியும், ஓ.பன்னீர்செல்வம் தலைமையில் ஒரு அணியும் பிரிந்து பணியாற்றினர். இதனிடையே, கட்சியின் பொதுச்செயலாளர் பதவியை, எடப்பாடி பழனிசாமி கைப்பற்றிய நிலையில், ஓ.பன்னீர்செல்வத்தை கட்சியில் இருந்து நீக்கினார். தற்போது, அதிமுக தொண்டர்கள் உரிமை மீட்பு குழு என்ற ஒரு அமைப்பை தொடங்கி, பன்னீர்செல்வம் தனது கட்சியை நடத்தி வருகிறார்.
இதற்கிடையில் சேலம் மாநகர் மாவட்ட அதிமுக பொறுப்பாளராக EX எம்எல்ஏ எம்.கே. செல்வராஜ் இருந்து வந்தார். இந்நிலையில் எடப்பாடி பழனிச்சாமி அவரை அப்பொறுப்பில் இருந்து விடுவித்து அறிவிப்பு வெளியிட்டுள்ளார். அதேநேரத்தில், முன்னாள் எம்எல்ஏ செல்வராஜூக்கு புதிய பதவியளித்து, எம்ஜிஆர் மன்ற இணைச் செயலாளராக அறிவித்துள்ளார். அதேபோல், சேலம் மாநகர் மாவட்ட அதிமுக செயலாளராக மூத்த நிர்வாகி பாலுவை நியமித்துள்ளார்.