தமிழகம் முழுவதும் ரேஷன் கார்டில் உறுப்பினர்களின் e-KYC விவரங்களை புதுப்பிக்காதவர்களுக்காக இன்று (ஆகஸ்ட் 29) சிறப்பு முகாம் நடைபெறுகிறது. மத்திய அரசின் வழிகாட்டுதலின்படி, ரேஷன் கார்டில் உள்ள குடும்ப உறுப்பினர்களின் விவரங்களை துல்லியமாக சரிபார்க்கும் நோக்கில் இந்த சிறப்பு ஏற்பாடு செய்யப்பட்டுள்ளது. இதற்காக மாநிலம் முழுவதும் உள்ள அனைத்து நியாயவிலைக் கடைகளிலும் (ரேஷன் கடைகள்) காலை 9 மணி முதல் மாலை 5 மணி வரை இம்முகாம் தடையின்றி செயல்படும்.
இதுவரை e-KYC அப்டேட் செய்யாத குடும்ப உறுப்பினர்கள் அனைவரும் இந்த நல்வாய்ப்பைப் பயன்படுத்தி, தங்களின் ரேஷன் கடைகளுக்குச் சென்று உரிய விவரங்களைச் சரிபார்த்துக் கொள்ளுமாறு கேட்டுக்கொள்ளப்படுகிறார்கள். ரேஷன் சேவைகள் தொடர்ந்து தடையின்றி கிடைப்பதை உறுதி செய்ய இந்த அப்டேட் மிகவும் அவசியமாகும்.