தமிழகத்தில் 2026 ஆம் ஆண்டு தேர்தல் நெருங்கிக் கொண்டிருக்கும் சூழலில் அரசியல் கட்சிகள் இடையே கூட்டணி பேச்சு வார்த்தை நடந்து கொண்டிருக்கிறது. பல கட்சிகளும் தங்களுடைய வலிமையை உறுதிப்படுத்த புதிய முகங்களை அணுகும் முயற்சியில் ஈடுபட்டுள்ளன. தமிழகத்தில் வரவிருக்கும் சட்டமன்றத் தேர்தலை முன்னிட்டு அதிமுக மற்றும் பாஜக உள்ளிட்ட கட்சிகள் கரூர் சம்பவத்தை தங்களுக்கு சாதகமாக பயன்படுத்திக்கொண்டு விஜயை தங்கள் பக்கம் இருக்கும் முயற்சியில் தீவிரமாக ஈடுபட்டு வருகின்றன. சமீபத்தில் நடந்த தேர்தல் பிரச்சாரக் கூட்டத்தில் இபிஎஸ் கூட்டணிக்கு பிள்ளையார் சுழி போடப்பட்டு விட்டதாக கூறி விஜய் உடன் கூட்டணி குறித்த சாத்தியத்தை சூசகமாக வெளிப்படுத்தி இருந்தார். அதிமுக கூட்டணியில் இணைய விஜய்க்கு தொடர்ந்து அழைப்பு விடுக்கப்பட்டாலும் இதுவரை விஜய் சார்பில் இருந்து எந்த ஒரு அறிவிப்பும் வெளியாகவில்லை.
இந்நிலையில் அமமுக பொதுச்செயலாளர் டிடிவி தினகரன் சமீபத்தில் அளித்த பேட்டியில் எடப்பாடி பழனிச்சாமியை கடுமையாக விமர்சித்துள்ளார். முதல்வராக்கிய சசிகலாவுக்கே துரோகம் செய்த ஈபிஎஸ் ஒருவேளை அதிமுக மற்றும் தமிழக வெற்றி கழகம் கூட்டணி வெற்றி பெற்றால் விஜயையும் ஓரம் கட்டி விடுவார். நானும் சசிகலாவும் கட்சியில் இருந்தால் இபிஎஸ் பதவிக்கு ஆபத்து என்பதால் தான் எங்களை கட்சியிலிருந்து நீக்கினார். விஜய் கூட்டணி அமைத்தால் அவருக்கும் இதே நிலைதான் என்ற டிடிவி தினகரன் எச்சரித்துள்ளார். இவருடைய இந்த பேச்சு தமிழக அரசியல் வட்டாரத்தில் புதிய பரபரப்பை கிளப்பியுள்ளது.