தேனி மாவட்டம் தேவதானப்பட்டி அருகே கொடைக்கானலுக்குச் சுற்றுலா சென்ற கேரள பள்ளி மாணவர்கள் அமர்ந்திருந்த பேருந்து திடீரென தீப்பற்றி எரிந்த விபத்தில், ஓட்டுநரின் துரித நடவடிக்கையால் 50-க்கும் மேற்பட்ட மாணவ-மாணவியரும் ஆசிரியர்களும் எந்தவித உயிரிழப்புமின்றி நல்வாய்ப்பாக உயிர் தப்பினர். பத்தினம்திட்டாவிலிருந்து சுற்றுலா வந்த இப்பேருந்து புல்லக்காபட்டி விலக்கு அருகே வந்துகொண்டிருந்தபோது, அதன் பின்பக்க டயர் வெடித்து தீப்பொறி ஏற்பட்டது; உடனடியாக விழிப்புடன் செயல்பட்ட ஓட்டுநர் செவிக் பேருந்தை சாலையோரத்தில் நிறுத்தி, மாணவர்களைப் பாதுகாப்பாக வெளியேற்றினார்.
இதனைத் தொடர்ந்து, தீயணைப்புத் துறையினர் ஒன்றரை மணி நேரம் போராடி தீயை அணைத்தனர். நல்வாய்ப்பாக இந்த விபத்தில் யாருக்கும் எந்தவித காயமும் ஏற்படவில்லை. தேவதானப்பட்டி காவல்துறையினர் உடனடியாகத் மாணவர்களுக்குத் தேவையான அனைத்து உதவிகளையும் வசதிகளையும் செய்து கொடுத்து உதவினர். உரிய நேரத்தில் ஓட்டுநர் காட்டிய துரித புத்தி கூர்மை மற்றும் தீயணைப்பு வீரர்களின் விரைவான செயல்பாடு ஆகியவை பெரிய அளவிலான உயிர்ச்சேதத்தைத் தடுத்து அனைவரையும் பெருமூச்சுவிடச் செய்துள்ளது.