“50 லட்சம் வரதட்சணை…” பஞ்சாயத்து செய்ய வந்த மாமனாருக்கு அரிவாள் வெட்டு… போலீஸ் உடையில் இருந்த கொடூரன்… நள்ளிரவில் மனைவிக்கும் குழந்தைக்கும் நடந்த கொடூரம்… நெஞ்சை உலுக்கும் வீடியோ…!

பெங்களூரு மாநகர காவல்துறை ஆணையர் அலுவலகத்தின் கட்டுப்பாட்டு அறையில் சப்-இன்ஸ்பெக்டராகப் பணியாற்றி வரும் பைரப்பா என்பவர், வரதட்சணை கொடுமை, கொலை முயற்சி மற்றும் குடும்ப வன்முறை உள்ளிட்ட கடுமையான குற்றச்சாட்டுகளின் கீழ் கெங்கேரி காவல்துறையினரால் கைது செய்யப்பட்டுள்ளார். வழக்கறிஞரான இவரது மனைவி ரேவதி, தங்களுக்கு திருமணமாகி 5 ஆண்டுகள் ஆவதாகவும், கடந்த இரண்டு ஆண்டுகளாக பைரப்பா தன்னிடம் 50 லட்சம் ரூபாய் வரதட்சணை, வீடு மற்றும் நிலம் கேட்டு தொடர்ந்து மனரீதியாகவும் உடல்ரீதியாகவும் சித்திரவதை செய்து வந்ததாகப் புகார் அளித்துள்ளார். மேலும், மதுபோதையில் வீட்டிற்கு வந்து தன்னை அடித்துத் துன்புறுத்துவதுடன், தங்களின் 3 வயது பெண் குழந்தையையும் சேர்த்து வீட்டை விட்டு வெளியே துரத்தியதாகவும், குழந்தையின் பிறப்பு குறித்து அவதூறாகப் பேசி மன உளைச்சலுக்கு ஆளாக்கியதாகவும் ரேவதி தனது புகாரில் குறிப்பிட்டுள்ளார்.

https://twitter.com/HateDetectors/status/2077057922635534808/photo/1

இந்த விவகாரத்தில் பைரப்பாவின் நடத்தை குறித்து பல்வேறு அதிர்ச்சி ஊட்டும் புகார்களை அவரது மனைவி அடுக்கியுள்ளார். பைரப்பாவுக்கு பல பெண்களுடன் சட்டவிரோத தொடர்பு இருந்ததாகவும், இன்ஸ்டாகிராம் போன்ற சமூக வலைத்தளங்கள் மூலம் இளம் பெண்களைத் தொடர்பு கொண்டு திருமண ஆசை காட்டி ஏமாற்ற முயன்றதாகவும் ரேவதி குற்றஞ்சாட்டியுள்ளார். இதைப் பல பெண்கள் தன்னிடம் தொலைபேசி வாயிலாக உறுதிப்படுத்தியதாகக் கூறிய அவர், பைரப்பா ரவுடிகளை ஏவி தன்னை மிரட்டியதாகவும் தெரிவித்துள்ளார். குறிப்பாக, கடந்த ஜூலை 12 அன்று குடும்பப் பிரச்சினையைத் தீர்க்க வந்த தனது தந்தையையும், தன்னையும் பைரப்பா அரிவாளால் வெட்ட முயன்றதாக அவர் அளித்த புகார், இந்த வழக்கில் பெரும் திருப்பத்தை ஏற்படுத்தியுள்ளது. ஏற்கனவே தொழிலதிபர் ஒருவரிடம் 50 லட்சம் ரூபாய் லஞ்சம் வாங்கிய வழக்கில் லோகாயுக்தா அமைப்பால் பைரப்பா கைது செய்யப்பட்டவர் என்பதும் குறிப்பிடத்தக்கது.

ஆரம்பத்தில் கணவர் ஒரு காவல்துறை அதிகாரி என்பதால் உள்ளூர் போலீசார் முறையாகப் புகார் எடுக்காமல், வெறும் ‘அறிவிக்கை’ (NCR) மட்டுமே வழங்கி அலட்சியம் காட்டியதாக ரேவதி குற்றம் சாட்டினார். இதனால் நீதிகேட்டு பெங்களூரு மாநகர காவல் ஆணையர் மற்றும் மாநில டிஜிபி ஆகியோரை அணுக அவர் முடிவு செய்தார். இதனிடையே, இச்சம்பவம் குறித்து ஊடகங்களில் செய்தி வெளியானதைத் தொடர்ந்து, தென்மேற்கு மண்டல டிசிபி அனிதா ஹடன்னவர் உத்தரவின் பேரில் பைரப்பா மீது வரதட்சணை கொடுமை மற்றும் கொலை முயற்சி வழக்குகள் பதிவு செய்யப்பட்டு அவர் கைது செய்யப்பட்டுள்ளார். இந்தச் சம்பவம் தவணகெரே காவல் எல்லைக்குட்பட்ட பகுதியில் நடந்திருப்பதால், முறையான மேலதிக விசாரணைக்காக இவ்வழக்கு கெங்கேரி காவல் நிலையத்திலிருந்து தவணகெரே காவல் நிலையத்திற்கு மாற்றப்படும் என்று டிசிபி அனிதா ஹடன்னவர் தெரிவித்துள்ளார்.