அயோத்தி ராமர் கோயிலுக்கு பக்தர்கள் வழங்கிய நன்கொடை மற்றும் காணிக்கைகளில் முறைகேடு நடந்ததாக எழுந்துள்ள புகார்கள் நாடு முழுவதும் பெரும் அதிர்வலைகளை ஏற்படுத்தியுள்ளன. இது தொடர்பாக சிறப்பு புலனாய்வுக் குழு தீவிர விசாரணை நடத்தி வரும் நிலையில், இந்த முறைகேடு புகார்களுக்குப் பொறுப்பேற்று, அறக்கட்டளையின் பொதுச் செயலாளர் சம்பத் ராய் மற்றும் மூத்த அறங்காவலர் அனில் மிஸ்ரா ஆகியோர் ஏற்கனவே ராஜினாமா செய்துள்ளதாகத் தகவல்கள் வெளியாகியுள்ளன. இந்நிலையில், மஹந்த் நிருத்ய கோபால் தாஸ் தலைமையில் இன்று மதியம் 3 மணிக்கு அயோத்தி ராமர் கோயில் வளாகத்திற்குள் ஸ்ரீ ராம் ஜென்மபூமி தீர்த்த க்ஷேத்ரா அறக்கட்டளையின் முக்கியக் கூட்டம் நடைபெறவுள்ளது. இக்கூட்டத்தில் இவர்களது ராஜினாமா குறித்து இறுதி முடிவு எடுக்கப்படும் என்று எதிர்பார்க்கப்படுகிறது.
நிலைமை இவ்வாறு பரபரப்பாக இருக்கையில், கோயிலுக்கு வரும் காணிக்கைகளை எண்ணும் பணியில் தனக்கு எந்தவிதத் தொடர்பும் இல்லை என்று அறக்கட்டளையின் பொருளாளர் சுவாமி கோவிந்த் தேவ் கிரி தெரிவித்துள்ளார். நிதி விவகாரங்களைக் கண்காணிப்பதும் கையாள்வதும்தான் ஒரு பொருளாளரின் முக்கியப் பணி எனும் போது, காணிக்கை விஷயத்தில் தனக்குச் சம்பந்தம் இல்லை என்று அவர் கூறுவது எப்படி ஏற்றுக்கொள்ளப்படும் என பல்வேறு தரப்பினரும் கேள்விகளை எழுப்பி வருகின்றனர். இதற்கு விளக்கமளித்துள்ள பொருளாளர், “நன்கொடைகளை எண்ணும் பணி வங்கி அதிகாரிகள் மற்றும் பிரத்யேகக் குழுவினரால் மட்டுமே மேற்கொள்ளப்படுகிறது; இதில் பொருளாளர் என்ற முறையில் எனக்கு நேரடிப் பங்கு ஏதுமில்லை. நிதி விவகாரங்களில் வெளிப்படைத்தன்மையை உறுதிப்படுத்த எந்தவிதமான விசாரணைக்கும் நான் தயார்” என்று அதிரடியாகத் தெரிவித்துள்ளார்.
அடுத்த ஆண்டு உத்தரப் பிரதேசத்தில் சட்டமன்ற தேர்தல் நடைபெறவிருக்கும் சூழலில், இந்த விவகாரத்தை எதிர்க்கட்சிகள் தீவிரமாக கையில் எடுத்துள்ளதால் கோயில் விவகாரம் அரசியல் ரீதியாகவும் பெரும் சூடுபிடித்துள்ளது. இத்தகைய அரசியல் பரபரப்புகள் மற்றும் முறைகேடு புகார்களுக்கு நடுவில், ராமர் கோயில் கட்டுமானப் பணிகள், நிதி மேலாண்மை மற்றும் எதிர்காலத் திட்டங்கள் குறித்து விவாதிக்க அறக்கட்டளையின் முக்கியக் கூட்டம் கூடவுள்ள நிலையில், பொருளாளர் சுவாமி கோவிந்த் தேவ் கிரியின் இந்த கருத்து மிகுந்த முக்கியத்துவம் வாய்ந்ததாகக் கருதப்படுகிறது.
மும்பை சர்ச்கேட் பகுதியில் செயல்பட்டு வரும் வருமான வரித்துறை அலுவலகமான 'ஆய்கர் பவன்' கட்டிடத்தில் திங்கள்கிழமை மதியம் சுமார் 2…
தெலுங்கானா மாநிலம் கம்மம் நகரைச் சேர்ந்த ஸ்ரீநாத் (23) என்ற இளைஞர், கடந்த 13-ஆம் தேதி இரவு தனது நண்பரின்…
காஞ்சிபுரம் மாவட்டம் ஸ்ரீபெரும்புதூர் அருகே உள்ள மண்ணூர் பகுதியில், சொத்து தகராறில் பெற்ற மகனே லாரி ஏற்றி தந்தையைக் கொன்ற…
அமெரிக்காவிற்கும் ஈரானுக்கும் இடையே பதற்றம் அதிகரித்துள்ள நிலையில், அமெரிக்க வீரர்களைப் பிடிப்பதற்கோ அல்லது கொல்வதற்கோ $30,000 வரை வெகுமதி வழங்கப்படும்…
காஞ்சிபுரம் மாவட்டம் படுநெல்லி கிராமத்தில் உள்ள பொன்னியம்மன் கோவில் ஆடித் திருவிழாவின் போது எதிர்பாராத விதமாக கொடூரமான இரட்டைக்கொலை சம்பவம்…
மயிலாடுதுறை மாவட்டம் சீர்காழியைச் சேர்ந்த அசோக் குமார், காரைக்காலில் பணிபுரிந்தபோது அங்குள்ள திருமணமான பெண் ஒருவருடன் தகாத உறவு ஏற்படுத்திக்…