ஒரே நைட்டில் எல்லாம் ஓவர்…. “இஸ்ரேல் செய்த அந்த ஒரு தவறு’…. வெடித்தது அமெரிக்காவின் கோபம்… உலகையே உலுக்கும் அந்த ரகசிய மோதல்….!

ஈரானின் எண்ணெய் சுத்திகரிப்பு நிலையங்கள் மற்றும் எண்ணெய் கிடங்குகள் மீது இஸ்ரேல் நடத்திய தாக்குதல் சர்வதேச அளவில் பெரும் அதிர்வலைகளை ஏற்படுத்தியுள்ளது. ஈரானின் ஜெட் எரிபொருள் நிரப்பும் நிலையங்களை மட்டும் குறிவைப்பதாக அமெரிக்காவிடம் முன்னதாகத் தெரிவித்திருந்தாலும், இஸ்ரேல் நடத்திய தாக்குதல் மிகவும் தீவிரமானதாக அமைந்திருந்தது. இந்தச் செயல் அமெரிக்காவுக்குக் கடும் அதிருப்தியை ஏற்படுத்தியுள்ளது.

இந்தத் தாக்குதலால் ஈரானில் பெரும் தீ விபத்துகள் ஏற்பட்டதுடன், நச்சுப் புகையால் சூழப்பட்ட சூழல் உருவாகி சுற்றுச்சூழல் மற்றும் பொருளாதார ரீதியாகப் பாதிப்புகளை ஏற்படுத்தியுள்ளது. குறிப்பாக, கச்சா எண்ணெய் விநியோகச் சங்கிலியில் ஏற்பட்டுள்ள இந்த இடையூறு காரணமாக, சர்வதேச சந்தையில் கச்சா எண்ணெய் விலை கணிசமாக உயர்ந்துள்ளது. இது உலகப் பொருளாதாரத்திற்குப் பெரும் அச்சுறுத்தலாகப் பார்க்கப்படுகிறது.

அதிபர் டிரம்ப் இந்தத் தாக்குதலை முற்றிலும் விரும்புவதில்லை என்று அவருக்கு நெருக்கமான வட்டாரங்கள் தெரிவிக்கின்றன. எண்ணெய் உள்கட்டமைப்புகள் மீது தாக்குதல் நடத்துவது வியூகம் ரீதியாகப் தவறானது என்றும், இது தேவையற்ற குழப்பங்களுக்கு வழிவகுக்கும் என்றும் அவர் கருதுகிறார். ஈரானிய மக்களிடையே தமக்கு இருக்கும் ஆதரவை இத்தகைய தீவிர நடவடிக்கைகள் சிதைத்துவிடும் என்ற கவலையும் அமெரிக்கத் தரப்பில் எழுந்துள்ளது.

எண்ணெயைச் சேமிக்க வேண்டிய நேரத்தில் அதை எரிப்பது சரியான செயலாக இருக்காது என்பது டிரம்பின் நிலைப்பாடாக உள்ளது. கச்சா எண்ணெய் விலை உயர்வு சாதாரண மக்களின் வாழ்வாதாரத்தைப் பாதிப்பதோடு, ஆட்சியில் தேவையில்லாத நெருக்கடிகளை உருவாக்கும் என்றும் அவர் எச்சரித்துள்ளார். ஒட்டுமொத்தத்தில், இஸ்ரேலின் இந்த அதிரடி நடவடிக்கையானது அமெரிக்கா மற்றும் இஸ்ரேல் இடையிலான தந்திரோபாய உறவில் விரிசலை ஏற்படுத்தியுள்ளது.