கவுதம் கார்த்திக் முதல் கவின் வரை.. தல தீபாவளியை கொண்டாடப்போகும் பிரபலங்கள்  யார் யார் தெரியுமா…?

பிரபலங்கள் தங்களுக்குள் காதலித்து திருமணம் செய்து கொள்வது தற்பொழுது வழக்கமாகி விட்டது. அப்படி திருமணம் செய்து கொண்டு ‘தல தீபாவளி’யை கொண்டாட போகும் பிரபலங்கள் யார் யாருன்னு இப்ப பாக்கலாம் வாங்க..

1.கெளதம் கார்த்திக் – மஞ்சிமா மோகன்:

நவரச நாயகன் நடிகர் கார்த்திக்கின் மகன் தான் நடிகர் கௌதம் கார்த்திக். இவர் ‘கடல்’ திரைப்படத்தின் மூலம் திரையுலகில் அறிமுகமானார் .இதைத்தொடர்ந்து பல்வேறு திரைப்படங்களில் நடித்த ரசிகர்கள் மத்தியில் மிகப் பிரபலமான நடிகர்களில் ஒருவராக வலம் வந்து கொண்டுள்ளார். நடிகர் கௌதம் கார்த்திக் நடிகை மஞ்சிமா மோகனை காதலித்து நவம்பர் 28,  2002இல் திருமணம் செய்து கொண்டார். தற்பொழுது இவர்கள் இந்த வருடம் தங்களது தல தீபாவளியை கொண்டாட உள்ளனர்.

2. கவின் -மோனிகா:

நடிகர் கவின் விஜய் டிவியில் ஒளிபரப்பான ‘கனா காணும் காலங்கள்’ என்ற சீரியல் மூலம் ரசிகர்கள் மத்தியில் பிரபலமானவர். இதைத் தொடர்ந்து இவர் விஜய் தொலைக்காட்சியில் ஒளிபரப்பான பிக் பாஸ் நிகழ்ச்சியில் கலந்து கொண்டு ரசிகர்கள் மனதிலும் இடம்பிடித்தார். பிக் பாஸ் நிகழ்ச்சியில் லாஸ்லியா உடன் காதல் விவகாரத்திலும் சிக்கினார். இதை தொடர்ந்து வெளியில் வந்த அவர் பிஸியாக சினிமாவில் நடிக்க தொடங்கினார். இவர் தனது நீண்ட நாள் காதலியான மோனிகா என்பவரை ஆகஸ்ட் 20, 2023ல்  திருமணம் செய்து கொண்டார். இதைத்தொடர்ந்து அவர்கள் தங்களது தல தீபாவளியை நாளை கொண்டாட உள்ளனர்.

3. அசோக் செல்வன் – கீர்த்தி பாண்டியன்:

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் அசோக் செல்வன். இவர் நடிகர் அருண்பாண்டியனின் மகளான கீர்த்தி பாண்டியன் என்பவரை செப்டம்பர் 13ஆம் தேதி 2023 இந்த வருடம் திருமணம் செய்து கொண்டார்.  இவர்களது திருமணம் எளிமையான முறையில் சொந்தங்கள் சூழ நடைபெற்றது. இந்நிலையில் இந்த ஜோடி தங்களது தல தீபாவளி நாளை கொண்டாட உள்ளனர்.

4. அமலா பால் – ஜகத் தேசாய்:

தமிழ் சினிமாவின் முன்னணி நடிகைகளில் ஒருவராக வலம் வருபவர் நடிகை அமலா பால். இவர் ஏற்கனவே இயக்குனர் ஏ எல் விஜயை 2014ல் காதலித்து திருமணம் செய்து கொண்டார். பல வருடங்கள் ஒன்றாக வாழ்ந்த இவர்கள் கருத்து வேறுபாடு காரணமாக விவாகரத்து பெற்று பிரிந்தன.ர் இதைத்தொடர்ந்து திரையுலகில் கவனம் செலுத்த தொடங்கியவர் ,பல்வேறு திரைப்படங்களில் நடித்து ரசிகர்கள் மத்தியில் நீங்காத இடத்தை பிடித்தார். தற்பொழுது இவர் தனது இரண்டாவது திருமணத்தை முடித்துள்ளார். காதலர் ஜகத் தேசாய் என்பவரை நவம்பர் 5ம் தேதி 2023 இந்த வருடம் கரம் பிடித்தார்.  இந்த ஜோடியும் நாளை தங்களது தல தீபாவளியை கொண்டாட உள்ளனர்.