சீரியல் , சினிமாவே வேண்டாம்-னு அமெரிக்காவில் செட்டிலான நடிகை வித்யா பிரதீப் இப்ப என்ன செய்றாங்க தெரியுமா…? இப்படி ஒரு வேலையா..?

சின்னத்திரையில் ஜொலிக்கும் நட்சத்திரங்கள் ஒருபோதும் வெள்ளித்திரையில் மிளிர முடியாது என்பதை ஒரு சிலர் மாற்றி காண்பித்துள்ளனர்.சிவகார்த்திகேயன், சந்தானம், ப்ரியா பவானி ஷங்கர், வாணி போஜன் என ஏராளமான சின்னத்திரை பிரபலங்கள் சினிமாவில் வெற்றி கொடி நாட்டியுள்ளனர். அவர்களைப் போலவே களமிறங்கி வெள்ளித்திரையில் ஜொலித்தவர் நடிகை வித்யா பிரதீப். இவர் கேரளாவைச் சேர்ந்தவர்.

பயோ டெக்னாலஜி படிப்பில் முதுகலை பட்டம் பெற்றவர். மருத்துவ துறையில் நல்ல அங்கீகாரத்தை பெற்றுள்ள வித்யா, ஆரம்பத்தில் இருந்தே மாடலிங் துறையிலும் சாதித்து வருகிறார். அதன் பின்னர் சினிமாவில் நடிக்க தொடங்கிய வித்யா, ஏ.எல்.விஜய் இயக்கத்தில் வெளியான “சைவம்” படத்தில் பேபி சாராவின் அம்மாவாக நடித்தார். அதன் பின்னர் பல படங்களில் நடித்திருந்தாலும் அருண் விஜய் இரட்டை வேடத்தில் நடித்த தடம் படத்திலும் போலீஸ் அதிகாரியாக முக்கிய வேடத்தில் நடித்து ரசிகர்களின் மனம் கவர்ந்தார்.

சன் டி.வி.யில் ஒளிபரப்பாகி வந்த நாயகி சீரியலில் நடித்து வந்தார். 2015 ஆம் ஆண்டு வெளியான பசங்க 2 என்ற திரைப்படத்தில் நடித்திருந்தார். அதன் பின்பு 2016 ஆம் ஆண்டு வெளியான ஒண்ணுமே புரியல மற்றும் தலகால் புரியல ஆகிய திரைப்படங்களில் நடித்திருந்தார் அதன்பின்பு அச்சமின்றி என்ற திரைப்படத்தில் நடித்ததன் மூலம் மிகச் சிறந்த நடிகை என்ற பெயரை பெற்றார்.

இப்படி பல ஹிட் திரைப்படங்களில் நடித்த இவர் திடீரென சினிமா சீரியல் எதுவுமே வேண்டாம் என அமெரிக்காவில் செட்டிலாகி விட்டார். மருத்துவ பிஎச்டி முடித்து  அமெரிக்காவில் செட்டில் ஆகிய அவர் தான் அமெரிக்காவில் ஆராய்ச்சி பணி செய்யும் புகைப்படங்களை தனது இன்ஸ்டாகிராம் பக்கத்தில் பதிவு செய்துள்ளார். இப்புகைப்படங்கள் இணையத்தில் வைரலாக பார்க்கப்பட்டு வருகிறது.