“அந்த ஒரு கோடு உங்கள் உயிரைக் காக்கும்!”… மாத்திரை சாப்பிடும் முன் தெரியாமல் கூட இந்தத் தவற்றைச் செய்துவிடாதீர்கள்… நிபுணர்கள் கூறும் எச்சரிக்கை…!!!

இன்றைய காலகட்டத்தில் சிறிய உடல்நலக் குறைபாடுகளுக்கும் உடனடி நிவாரணம் தேடி மாத்திரைகளை உட்கொள்வது பலரது வழக்கமாகிவிட்டது. நாம் அன்றாடம் பயன்படுத்தும் பல மாத்திரைகளின் நடுவே ஒரு சிறிய கோடு இருப்பதை கவனித்திருப்போம். மருத்துவ ரீதியாக ‘ஸ்கோர் லைன்’ (Score Line) என்று அழைக்கப்படும் இந்த கோடு, வெறும் வடிவமைப்புக்காக மட்டும் போடப்படுவதில்லை. மாறாக, நோயாளிகள் மருந்தின் அளவைச் சரியாகப் பிரித்து உட்கொள்வதற்கு உதவும் ஒரு முக்கிய அடையாளமாக இது கருதப்படுகிறது.

ஒரு மாத்திரையைச் சமமாக உடைத்து, அதன் வீரியத்தைக் குறைக்காமல் பாதியளவு மருந்தாக உட்கொள்ள இந்த கோடு உதவுகிறது. உதாரணமாக, ஒருவருக்கு 500 மி.கி மாத்திரை பரிந்துரைக்கப்பட்டு, அவரிடம் 1000 மி.கி மாத்திரை இருந்தால், இந்தக் கோட்டின் உதவியுடன் அதைத் துல்லியமாக இரண்டாகப் பிரித்துச் சாப்பிடலாம். இது மருந்தின் அளவைச் சமமாகப் பகிர்வதை உறுதி செய்கிறது. ஆனால், அனைத்து மாத்திரைகளிலும் இந்தக் கோடு இருப்பதில்லை என்பது குறிப்பிடத்தக்கது.

எந்த மாத்திரைகளில் நடுவில் கோடு இல்லையோ, அவற்றை ஒருபோதும் உடைத்துச் சாப்பிடக்கூடாது என்று மருத்துவ நிபுணர்கள் எச்சரிக்கின்றனர். கோடு இல்லாத மாத்திரைகளை உடைப்பது அதன் செயல்திறனை மாற்றக்கூடும் அல்லது தேவையற்ற பக்கவிளைவுகளை ஏற்படுத்தக்கூடும். எனவே, மாத்திரையில் கோடு இருந்து, மருத்துவர் அனுமதித்தால் மட்டுமே அதனைப் பிரித்து உட்கொள்ள வேண்டும். மருந்து உட்கொள்வதில் ஏதேனும் சந்தேகம் இருந்தால், சுயமாக முடிவெடுக்காமல் மருத்துவர் அல்லது மருந்தாளுநரிடம் கலந்தாலோசிப்பதே பாதுகாப்பானது.