திமுக சட்டமன்ற உறுப்பினர் கருணாநிதி தான் தமிழக வெற்றிக் கழகத்தில் (தவெக) இணைந்தது போன்ற ஒரு போலியான ‘ஏஐ’ (AI) வீடியோவை சமூக வலைதளங்களில் பரப்பி அவதூறு விளைவிப்பவர்கள் மீது சட்டப்பூர்வ நடவடிக்கை எடுக்கக் கோரி தி.நகர் துணை ஆணையர் அலுவலகத்தில் புகார் அளித்துள்ளார்.
முன்னதாக, தேர்தலில் போட்டியிட வாய்ப்பு மறுக்கப்பட்டதால் அதிருப்தி அடைந்த அவர், திமுகவின் பகுதி செயலாளர் பொறுப்பை ராஜினாமா செய்ததோடு, அக்கட்சியின் வேட்பாளருக்கு எதிராகப் பல்வேறு குற்றச்சாட்டுகளை முன்வைத்திருந்தது குறிப்பிடத்தக்கது. இந்த அரசியல் பரபரப்புகளுக்கு மத்தியில், நவீன தொழில்நுட்பத்தைப் பயன்படுத்தித் தவறான தகவல்களைப் பரப்புவோர் மீது கடுமையான நடவடிக்கை எடுக்கப்பட வேண்டும் என அவர் தனது புகாரில் வலியுறுத்தியுள்ளார்.