கரூர் சம்பவத்தில் சாட்சி விசாரணைக்காகக் கூட்டப்பட்ட நடிகர் விஜய்யிடம் 56 கேள்விகள் கேட்கப்பட்டதாகக் கூறப்படுகிறது. இந்த அதிரடி சிபிஐ விசாரணைக்குப் பின்னால் பாஜகவின் தேர்தல் அரசியல் கணக்கு இருப்பதாக அரசியல் நோக்கர்கள் கருத்துத் தெரிவிக்கின்றனர். அரசியல் வட்டாரங்களின்படி, இந்த மாதம் நடிகர் விஜய்யின் தமிழக வெற்றிக் கழகத்தைக் (தவெக) குறிவைத்து விசாரணையைத் தீவிரப்படுத்தும் பாஜக, அடுத்த மாதம் ஆளும் கட்சியான திமுகவை இலக்காகக் கொண்டுள்ளதாகத் தெரிகிறது.
இதன் ஒரு பகுதியாக, திமுக அமைச்சர்களுக்கு நெருக்கமானவர்களை அமலாக்கத்துறை (ED) தனது விசாரணை வளையத்திற்குள் கொண்டு வந்துள்ளதாகத் தகவல்கள் வெளியாகியுள்ளன. இது தமிழ்நாட்டு அரசியலில் பெரும் பரபரப்பை ஏற்படுத்தியுள்ளது.