தமிழக அரசியல் களம் தற்போது புதியதொரு திருப்பத்தை நோக்கி நகர்ந்து கொண்டிருக்கிறது. திமுக தலைமையிலான கூட்டணியில் நீண்டகாலமாக அங்கம் வகித்து வந்த காங்கிரஸ், விசிக, இந்திய யூனியன் முஸ்லிம் லீக் மற்றும் கம்யூனிஸ்ட் கட்சிகள், அண்மையில் நடிகர் விஜய் தலைமையிலான தமிழக வெற்றிக் கழகத்திற்கு தங்களது ஆதரவை அளித்தன. தேர்தல் வெற்றிக்குப் பிறகு, கம்யூனிஸ்டுகள் தவிர்த்து பிற கட்சிகள் முதலமைச்சர் விஜய் தலைமையிலான புதிய அமைச்சரவையிலும் இடம் பிடித்துள்ளன. இந்த அதிரடி அரசியல் மாற்றங்களுக்கு மத்தியில், கடந்த 2017 ஆம் ஆண்டு முதல் திமுக கூட்டணியில் நீடித்து வரும் மதிமுகவின் அடுத்தகட்ட நகர்வு என்னவாக இருக்கும் என்ற பெரும் எதிர்பார்ப்பு அரசியல் வட்டாரத்தில் எழுந்துள்ளது.
சமீபத்தில் நடைபெற்ற சட்டமன்றத் தேர்தலில் முதலமைச்சர் ஜோசப் விஜய் சென்னை பெரம்பூர் மற்றும் திருச்சி கிழக்கு ஆகிய இரு தொகுதிகளிலும் போட்டியிட்டு வெற்றி பெற்றார். பின்னர் அவர் திருச்சி கிழக்கு தொகுதி உறுப்பினர் பதவியை ராஜினாமா செய்த நிலையில், தொகுதி வாக்காளர்களுக்கு நன்றி தெரிவிக்க திருச்சி சென்றிருந்தார். அப்போது, திருச்சி நாடாளுமன்ற உறுப்பினரும் மதிமுக முதன்மை செயலாளருமான துரை வைகோ, முதலமைச்சர் விஜய்யை நேரில் சென்று வரவேற்றது அரசியல் முக்கியத்துவம் வாய்ந்ததாகப் பார்க்கப்பட்டது. மேலும், “துரதிருஷ்டவசமாக நாங்கள் உதயசூரியன் சின்னத்தில் போட்டியிட்டதால், தவெகவிற்கு ஆதரவு அளிக்க முடியாத சூழல் ஏற்பட்டது” என்று துரை வைகோ செய்தியாளர்களிடம் வெளிப்படையாகக் கூறியது திமுக கூட்டணியில் பெரும் சலசலப்பை ஏற்படுத்தியது.
தற்போது திமுக கூட்டணியில் மதிமுக தொடருமா என்ற சந்தேகம் நீடித்து வரும் வேளையில், தவெக அரசுடன் மதிமுகவின் இணக்கம் நாளுக்கு நாள் அதிகரித்து வருகிறது. தவெக அமைச்சர்களின் ஆய்வுக் கூட்டங்களில் துரை வைகோ கலந்து கொள்வது, தவெகவின் நிர்வாக முடிவுகளை மதிமுகவினர் வரவேற்றுப் பேசுவது என இரு கட்சிகளுக்கும் இடையேயான நெருக்கம் கூடிக்கொண்டே போகிறது. இதன் தொடர்ச்சியாக, சென்னை தலைமைச் செயலகத்தில் முதலமைச்சர் விஜய்யை மதிமுக பொதுச் செயலாளர் வைகோ நேரில் சந்தித்துப் பேசியுள்ளார். அதே நேரத்தில், மதிமுகவின் பெரும்பாலான நிர்வாகிகள் திமுக கூட்டணியில் இருந்து வெளியேறி, தவெக கூட்டணியில் இணைய வேண்டும் என்று தங்களது விருப்பத்தை வெளிப்படையாகவே தெரிவித்து வருகின்றனர்.
இந்நிலையில், செய்தியாளர்களைச் சந்தித்த வைகோ, “தவெகவுடன் கூட்டணி அமைப்பது தொடர்பான முடிவு பொதுக்குழுவை கூட்டி ஆலோசித்த பிறகே எடுக்கப்படும்” என்று தெரிவித்துள்ளார். அதன்படி, வரும் ஜூன் 27ஆம் தேதி நடைபெற உள்ள மதிமுக பொதுக்குழு கூட்டத்தில் இது குறித்து இறுதி முடிவு எடுக்கப்படும் என்று எதிர்பார்க்கப்படுகிறது. திமுக கூட்டணியில் நீடிப்பதா, தவெக கூட்டணியில் இணைவதா மற்றும் தற்போதுள்ள இரண்டு மதிமுக சட்டமன்ற உறுப்பினர்களின் பதவி நிலை என்னவாகும் என்பது உள்ளிட்ட முக்கிய விவகாரங்களுக்கு இப்பொதுக்குழு கூட்டத்தில் விடை கிடைக்கும் என்பதால், தமிழக அரசியல் வட்டாரமே இந்த கூட்டத்தை உற்று நோக்கிக் கொண்டிருக்கிறது.
கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41…
நீலகிரி மாவட்டம் பில்லூர்மட்டம் சடையன் கொம்பை பகுதியைச் சேர்ந்த 14 வயது சிறுமி ஒருவர் திடீரென காணாமல் போனதாக கடந்த…
டெல்லி அரசுப் பேருந்து ஓட்டுநரிடம் வழித்தடம் பற்றிக் கேட்ட பெண் ஒருவர், திடீரென ஓட்டுநருடன் தகராறில் ஈடுபட்டு அவரது காலரைப்…
சென்னையை அடுத்த கொளத்தூர் ஜி.கே.எம் காலனி பகுதியில் அமைந்துள்ள டாஸ்மாக் மதுபான கூடத்தில், அண்ணன் மற்றும் தங்கை இருவரும் மதுபோதையில்…
திருப்பத்தூர் சட்டமன்றத் தொகுதியில் கடந்த தேர்தலில் திமுக சார்பில் போட்டியிட்டு குறைந்த வாக்கு வித்தியாசத்தில் தோல்வியடைந்த முன்னாள் அமைச்சர் கே.ஆர்.…
பெங்களூருவில் குடும்பத் தகராறு காரணமாக ஒரே குடும்பத்தைச் சேர்ந்த 7 பேர் கொடூரமாகக் கொலை செய்யப்பட்டுக் கிடந்த சம்பவம் ஒட்டுமொத்த…