ஸ்டாலின் தோல்வியை தாங்க முடியாமல்… விஷம் குடித்து உயிரை மாய்த்த திமுக விசுவாசி.. பெரும் அதிர்ச்சி..!!

சட்டமன்றத் தேர்தல் முடிவுகள் வெளியாகி வரும் நிலையில், திமுக தலைவர் மு.க.ஸ்டாலின் கொளத்தூர் தொகுதியில் தோல்வியடைந்ததாக பரவிய தகவலைக் கேட்டு, கடலூர் மாவட்டம் சிதம்பரத்தைச் சேர்ந்த திமுக தொண்டர் ஒருவர் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. 60 வயதான ஆறுமுகம் என்ற அந்தத் தொண்டர், நீண்டகாலமாக கட்சியின் தீவிர விசுவாசியாக இருந்து வந்துள்ளார்.

தன்னுடைய அபிமானத் தலைவர் தேர்தலில் பின்னடைவைச் சந்தித்தார் என்ற செய்தியைத் தாங்கிக்கொள்ள முடியாத ஆறுமுகம், கடும் மன உளைச்சலுக்கு ஆளாகியுள்ளார். இதன் காரணமாக, வீட்டில் யாரும் இல்லாத நேரத்தில் அங்கிருந்த விஷத்தைக் குடித்து தற்கொலைக்கு முயன்றுள்ளார். உயிருக்கு ஆபத்தான நிலையில் அவரை மீட்ட உறவினர்கள் மருத்துவமனைக்குக் கொண்டு சென்ற போதிலும், சிகிச்சை பலனின்றி அவர் பரிதாபமாக உயிரிழந்தார்.

தேர்தல் முடிவுகளுக்காகக் காத்திருந்த திமுக தொண்டர்கள் மத்தியில் இந்தத் தகவல் காட்டுத்தீ போலப் பரவி பெரும் அதிர்ச்சியை ஏற்படுத்தியுள்ளது. உயிரிழந்த ஆறுமுகத்தின் குடும்பத்தினருக்கு கட்சி நிர்வாகிகள் மற்றும் ஊர் மக்கள் தங்களது ஆழ்ந்த இரங்கலைத் தெரிவித்து வருகின்றனர். அரசியலில் வெற்றி தோல்விகள் சகஜம் என்பதால், தொண்டர்கள் உணர்ச்சிவசப்பட்டு இதுபோன்ற விபரீத முடிவுகளை எடுக்க வேண்டாம் எனப் பலரும் சமூக வலைதளங்களில் கோரிக்கை விடுத்து வருகின்றனர்.