விஜய் முதுகில் குத்த துணிந்த கூட்டணிக் கட்சி… காங்கிரஸை கதறவிட்ட திமுக பிரமுகர்… ‘பதவி சுகமும் வேணும், சீட்டும் வேணுமா?’…. கோட்டூர்புரம் டூ கோபாலபுரம் பரபரப்பு பின்னணி… தமிழக அரசியலில் அடுத்த பூகம்பம்…!

2026 சட்டமன்றத் தேர்தல் முடிவுகள் தமிழக அரசியலின் அஸ்திவாரத்தையே உலுக்கிப் போட்டிருக்கின்றன. அறுதிப் பெரும்பான்மை இல்லாத தொங்கு சட்டசபையில், தட்டுத்தடுமாறி தவெக தலைவர் விஜய் தலைமையில் புதிய கூட்டணி ஆட்சி அமைந்துவிட்டது. காங்கிரஸ், விசிக உள்ளிட்ட கட்சிகள் அமைச்சரவையில் இடம்பிடிக்க, கம்யூனிஸ்டுகள் வெளியிலிருந்து ஆதரவு தந்து கொண்டிருக்கிறார்கள். ஆட்சி கட்டிலில் ஏறி சில வாரங்களே ஆகும் நிலையில், தவெக கூட்டணியின் பிரதான அங்கமான காங்கிரஸுக்குள் இப்போது ஒரு புதிய ‘பயம்’ தொற்றிக் கொண்டிருக்கிறது. வருங்காலத்தில் தவெகவின் அரசியல் கிராஃப் சரிவைச் சந்திக்கும் என்பதை மோப்பம் பிடித்துள்ள காங்கிரஸ், திமுகவுடன் மீண்டும் ரகசியமாக சுமுக உறவை ஏற்படுத்த சமாதான வேலைகளைத் தொடங்க முயன்றதும், அதற்கு திமுக காட்டிய விஸ்வரூப கோபமும் தான் தற்போதைய கோட்டூர்புரம் முதல் கோபாலபுரம் வரையிலான ஹாட் டாபிக்!

ஆட்சி அமைந்த வேகத்தில், தவெகவின் நிர்வாகச் செயல்பாடு மற்றும் மக்கள் மத்தியில் இருக்கும் இமேஜைக் கணக்கெடுத்த காங்கிரஸ் உளவுப் பிரிவு, டெல்லிக்கு ஒரு ரகசிய ரிப்போர்ட் அனுப்பியுள்ளது. “விஜய் மீதான சினிமா கவர்ச்சி மற்றும் திமுக மீதான தற்காலிக அதிருப்தி தான் தவெகவின் இந்த வெற்றிக்குக் காரணமே தவிர, இது நிரந்தரமான வாக்கு வங்கி அல்ல. அடுத்த தேர்தலில் தவெகவின் பலம் குறைய வாய்ப்புகள் அதிகம் என்பதால், பாரம்பரியமான திமுகவுடன் மீண்டும் லைன்களை க்ளியர் செய்து வைப்பது தான் எதிர்கால நாடாளுமன்ற மற்றும் சட்டமன்றத் தேர்தல்களுக்கு பாதுகாப்பானது” என்பதுதான் அந்த ரிப்போர்ட்டின் சுருக்கம். இதையடுத்து, திமுக தலைமைக்கு நெருக்கமான சில மூத்த தலைவர்கள் மூலமாக, ‘பழைய கதவுகளைத் திறக்கலாமா?’ என்று காங்கிரஸ் தூது அனுப்பியது.

ஆனால், காங்கிரஸின் இந்த இரட்டை வேட நிலைப்பாட்டை திமுக சற்றும் எதிர்பார்க்கவில்லை, அதேநேரம் சாதாரணமாகவும் எடுத்துக்கொள்ளவில்லை. தேர்தல் நேரத்தில் தங்களை நடுவழியில் கைவிட்டுவிட்டு, தவெகவுக்கு அரியணை அமைத்துக் கொடுத்த காங்கிரஸின் மீது திமுக தலைமை கடுமையான கோபத்தில் இருந்தது. இந்தச் சூழலில், மீண்டும் ஒட்டு உறவுக்காக காங்கிரஸ் அப்ரோச் செய்தவுடன் திமுக உச்சக்கட்ட ஆத்திரமடைந்தது. “தேர்தல் நேரத்தில் எங்களை பலவீனப்படுத்த நினைத்துவிட்டு, இப்போது பதவி சுகத்தையும் அனுபவித்துக்கொண்டு, அடுத்த தேர்தலுக்கு இப்போதே எங்களிடம் சீட் கேட்க வருகிறீர்களா?” என்று தூது சென்ற மூத்த நிர்வாகிகளை முகத்திலடித்தாற்போல் பேசி திருப்பி அனுப்பியிருக்கிறது திமுக. “காங்கிரஸுடன் இனி எந்த காலத்திலும் ஒட்டும் இல்லை, உறவும் இல்லை; திமுகவின் கதவுகள் அவர்களுக்கு நிரந்தரமாக மூடப்பட்டுவிட்டன” என அறிவாலய முக்கிய புள்ளிகள் கொந்தளிக்கின்றனர்.

காங்கிரஸ் திமுக பக்கம் சாய்ந்து பேட்ச்-அப் செய்ய முயன்ற விவகாரம், தற்போது முதலமைச்சர் விஜய் தரப்புக்கும் தெரியவந்துள்ளதாக தகவல்கள் வெளியாகியுள்ளன. ஆட்சியில் அமர்ந்து ஒரு மாதம் கூட நிறைவடையாத நிலையில், தங்களின் கூட்டணிக் கட்சியே தங்களுக்குப் பின்னால் இப்படி ஒரு ‘மாற்று பிளான்’ போடுவதைக் கண்டு தவெக தலைமை அதிர்ச்சியடைந்துள்ளது. திமுகவிடம் அசிங்கப்பட்டு, தவெகவிடமும் நம்பிக்கையை இழந்து, காங்கிரஸ் இப்போது “ரெண்டுங்கெட்டான்” நிலைக்குத் தள்ளப்பட்டுள்ளது. 2026 தேர்தல் முடிந்து ஆட்சி அமைந்தாலும், தமிழக அரசியல் சதுரங்க ஆட்டம் இன்னும் ஓயவில்லை என்பதையே இந்த அடுத்தடுத்த நகர்வுகள் காட்டுகின்றன.