வில்லன் நடிகர் நம்பியாருடன் நடிப்பதற்காக கதறி கதறி அழுத பிரபல காமெடி நடிகர் – இயக்குனர் கே பாக்யராஜ் சொன்ன அந்த சம்பவம்!

சமீபத்தில் நேர்காணல் ஒன்றில் பேசிய நடிகர் இயக்குனர் கே பாக்யராஜ் கூறியதாவது, செந்திலை மத்தவங்க ரொம்ப கிண்டல் பண்ணுவாங்க. எனக்கு ரொம்ப பாவமாக இருக்கும். நாடக நடிகர்கள் எல்லாம் சுத்தி உட்கார்ந்துட்டு இந்த செந்திலை தான் ரொம்ப விரட்டுவாங்க. டேய் கருமா இங்க வாடா, சொட்டையா இங்க வாடா என்று கூப்பிட்டு போய் டீ வாங்கீட்டு வா காப்பி வாங்கீட்டு வா என்று எடுபிடி ஆளாக வைத்திருந்தார்கள்.

அவர்களே நாடக நடிகர்கள்தான். பெரிய வசதியானவர்கள் இல்லை. அவர்களே செந்திலை எடுபிடி ஆளாக பாடாய்படுத்துவார்கள். பாவம்யா இந்த ஆளு என்று செந்திலை பார்த்து அப்போது பரிதாபப்படுவேன். நமக்கு சினிமாவில் வாய்ப்பு வரும்போது செந்திலுக்கு எல்லாம் ஒரு நல்ல வாய்ப்பு தரணும் என்று மனசுல நெனைச்சுக்கிட்டேன்.

அப்புறம்தான் மௌன கீதங்கள், தூறல் நின்னு போச்சு படங்களில் செந்திலை நடிக்க வெச்சேன். அப்போ டயலாக் பேசி நடிக்கும் போது செந்தில் அழுதுட்டான். அதுவும் தூறல் நின்னு போச்சு படத்துல நடிகர் நம்பியார் கூட அவர் அசிஸ்டென்ட் மாதிரி நடிக்கிறதை நெனைச்சு நெனைச்சு 2 நாளைக்கு ஒரு தடவை அழுவான். நான் நெனைச்சே பார்க்கலைணே என்கிட்ட சொல்லி சொல்லி அழுவான் என்று அந்த நேர்காணலில் இயக்குனர் கே பாக்யராஜ் கூறியிருக்கிறார்.