இன்னும் ஒரு வாரம் தான் டைம்…. எனக்காக இதைச் செய்யுங்க…! பெண்களுக்கு விஜய் விடுத்த ‘விசில்’ கோரிக்கை…!!

தமிழக வெற்றிக் கழகத் தலைவர் விஜய், 2026 சட்டமன்றத் தேர்தலுக்கான விரிவான தேர்தல் அறிக்கையை இன்று சென்னையில் வெளியிட்டார். திருக்குறளின் வாழ்வியல் நெறிகளை அடிப்படையாகக் கொண்டு உருவாக்கப்பட்ட இந்த அறிக்கையில், ஊழலற்ற நிர்வாகம் உள்ளிட்ட 10 முக்கிய உறுதிமொழிகளை அவர் அளித்துள்ளார். மற்ற அரசியல் கட்சிகளைச் சாடிய அவர், தான் வெற்றி பெற்றால் ஒவ்வொரு மாதமும் மக்களைத் தொகுதியில் நேரில் சந்திப்பேன் என்றும், பொதுமக்களின் வரிப்பணத்தை நேர்மையாகக் கையாளுவேன் என்றும் உறுதியளித்தார்.

வாக்கெடுப்பிற்கு இன்னும் ஏழு நாட்களே உள்ள நிலையில், பெண் வாக்காளர்களுக்கு அவர் ஒரு அன்பு வேண்டுகோளை முன்வைத்துள்ளார். தனது கட்சியின் அடையாளமான ‘விசில்’ சின்னத்தை வீட்டின் முன் கோலமாக வரைந்து தமக்கு ஆதரவு தருமாறு அவர் கேட்டுக்கொண்டார். மக்களின் குறைகளை எளிதாகத் தன்னிடம் தெரிவிக்கலாம் என்று கூறிய அவர், பொய் வாக்குறுதிகளைத் தான் ஒருபோதும் அளிக்க மாட்டேன் என்பதையும் இந்த நிகழ்வில் ஆணித்தரமாகப் பதிவு செய்தார்.