பிரபல பாலிவுட் நடிகரான தர்மேந்திரா (89) உடல் நலக் குறைவால் இன்று காலமானதாக தெரிவிக்கப்பட்டுள்ளது. முன்னதாக மூச்சு விடுவதில் பிரச்சனை ஏற்பட்ட நிலையில் மும்பையின் பிரபல தனியார் மருத்துவமனையில் சிகிச்சை பெற்று அவர் வீடு திரும்பியிருந்தார். வீட்டில் தொடர்ந்து அவருக்கு சிகிச்சை அளிக்கப்பட்டு வந்த நிலையில் அவர் தற்போது காலமானதாக செய்தி வெளியாகி உள்ளது.
இவர் காலமானதாக சமீபத்தில் பொய்யான செய்தி இணையத்தில் பரவ தொடங்கியது. ஆனால் அவருடைய மகள் ஈஷா தியோல் மற்றும் மனைவி ஹேமா மாலினி இருவரும் அந்த வதந்திகளுக்கு மறுப்பு தெரிவித்து முற்றுப்புள்ளி வைத்தனர். தற்போது அவர் உயிரிழந்து விட்டதாக தகவல் வெளியாகி உள்ளது. இதனைத் தொடர்ந்து அவருடைய மறைவுக்கு பிரபலங்கள் பலரும் இரங்கல் தெரிவித்து வருகிறார்கள்.