“ஆபரேஷன் ‘D’ பின்னாடி இவ்வளவு பெரிய சதியா?”…. தனுஷ் அரசியல் என்ட்ரிக்குப் பின்னால் இருக்கும் மாஸ்டர் பிளான்…. ராஜேந்திர பாலாஜி ஓபன் டாக்…!

நடிகர் தனுஷ் அரசியலில் நுழைவது குறித்தும், தமிழகத்தில் நிலவும் சட்டம்-ஒழுங்கு விவகாரங்கள் குறித்தும் அதிமுக முன்னாள் அமைச்சர் கே.டி. ராஜேந்திர பாலாஜி எழுப்பிய கருத்துகள் தற்போது அரசியல் வட்டாரத்தில் பெரும் விவாதத்தை ஏற்படுத்தியுள்ளன. சிவகாசியில் நடைபெற்ற மருது சகோதரர்கள் குருபூஜை விழாவில் கலந்துகொண்ட பின்னர் செய்தியாளர்களிடம் பேசிய அவர், தனுஷ் நிச்சயமாக விரைவில் புதிய கட்சி தொடங்குவார் என்றும், இதற்கான தகவல்கள் அவரது நண்பர்கள் மூலம் தனக்குத் தெரியவந்துள்ளதாகவும் திட்டவட்டமாகத் தெரிவித்துள்ளார்.

மேலும், நடிகர் தனுஷின் அரசியல் வருகையும், அவருக்கான இளைஞர்களின் ஆதரவும் தவெக அரசுக்கு மிகப்பெரிய சிக்கலையும் சிரமத்தையும் உருவாக்கியுள்ளதாக ராஜேந்திர பாலாஜி விமர்சித்துள்ளார். தனுஷைக் கண்டு ஆளுங்கட்சிக்கு பயமும் பதற்றமும் ஏற்பட்டுள்ளதால்தான் அவரைப் பற்றித் தொடர்ந்து பேசுகிறார்கள் என்றும், பயம் இல்லையென்றால் அவர்கள் அந்த விவகாரத்தைப் பெரிதுபடுத்தியிருக்க மாட்டார்கள் என்றும் அவர் குறிப்பிட்டுள்ளார்.

தொடர்ந்து பேசிய அவர், தவெக அரசு சட்டம்-ஒழுங்கைப் பாதுகாப்பதில் கவனம் செலுத்தாமல் விளம்பரங்களிலும் ரீல்ஸ் எடுப்பதிலும் மட்டுமே ஆர்வம் காட்டுவதாகக் குற்றம் சாட்டினார். சிறுமிகள் காணாமல் போவது, கொலைகள் மற்றும் கைதிகள் தப்பியோடும் சம்பவங்கள் அரசின் இயலாமையைக் காட்டுவதாகவும், முன்னாள் அமைச்சர் அன்பில் மகேஷ் மீதான கைது நடவடிக்கை பழிவாங்கும் நோக்கத்துடன் எடுக்கப்பட்டதா என்ற சந்தேகம் எழுவதாகவும் அவர் தெரிவித்தார்.

எந்தவொரு கட்சியும் பழிவாங்கும் எண்ணத்துடன் திராவிட இயக்கங்களையும் பழம்பெரும் கட்சிகளையும் அழித்துவிட முடியாது என்று எச்சரித்த ராஜேந்திர பாலாஜி, அரசியலில் யார் வேண்டுமானாலும் வரலாம் என்றாலும், தமிழ்நாட்டின் பிரதான களத்தில் அதிமுகவும் திமுகவுமே எப்போதும் முக்கிய சக்திகளாக இருக்கும் என்றும் அழுத்தமாகக் கூறினார்.