வேலூர் மாவட்டம் குடியாத்தம் பகுதியில் ஆன்லைன் ஆர்டருக்கான பணத்தை டெலிவரி ஊழியரிடம் கொடுக்கும்போது கள்ள நோட்டு புழக்கம் வெளிச்சத்திற்கு வந்தது. தரணம்பேட்டை பகுதியைச் சேர்ந்த உணவக உரிமையாளர் ரபிக் (48) என்பவர், ஆன்லைனில் வாங்கிய பொருட்களுக்கு டெலிவரி ஊழியரிடம் இரண்டு 500 ரூபாய் நோட்டுகளை வழங்கியுள்ளார். அந்த நோட்டுகள் கள்ள நோட்டுகள் என்பது தெரியவந்ததை அடுத்து, டெலிவரி ஊழியர் உடனடியாக குடியாத்தம் நகர காவல் நிலையத்தில் புகார் அளித்துள்ளார்.
இதனையடுத்து, ரபிக்கின் உணவகத்தில் காவல்துறையினர் அதிரடி சோதனை நடத்தி மறைத்து வைக்கப்பட்டிருந்த கள்ள நோட்டுகளைக் கைப்பற்றினர். இவரிடம் நடத்திய தீவிர விசாரணையின் அடிப்படையில், இவருடன் தொடர்புடைய ஜிபேர் ரஹ்மத், டிடி மோட்டூர் காமராஜ், சங்கராபுரம் கோபால் மற்றும் ஆம்பூர் பாபு (65) உள்ளிட்டோரிடம் இருந்தும் கள்ள நோட்டுகள் பறிமுதல் செய்யப்பட்டன. மொத்தமாக இவர்களிடமிருந்து 1 லட்சத்து 50 ஆயிரம் ரூபாய் மதிப்பிலான கள்ள நோட்டுகளைப் போலீசார் கைப்பற்றினர்.
விசாரணையில், இந்த கள்ள நோட்டுகள் மேற்கு வங்காளத்தில் இருந்து வாங்கி வரப்பட்டு புழக்கத்தில் விடப்பட்டது தெரியவந்துள்ளது. இந்தச் சம்பவத்துடன் தொடர்புடைய ரபிக் உள்ளிட்ட 5 பேரையும் கைது செய்துள்ள காவல்துறையினர், இவர்களது நெட்வொர்க் குறித்து தொடர்ந்து தீவிர விசாரணை மேற்கொண்டு வருகின்றனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
சென்னை ஆவடி பகுதியில் 15 வயது சிறுமிக்கு பாலியல் தொல்லை அளிக்கப்பட்ட சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.…
திருநெல்வேலி அருகே அரசுப் பணியை முடித்துத் திரும்பிய பெண் காவலருக்குப் பாலியல் தொல்லை அளித்த சிறப்பு உதவி ஆய்வாளர் கைது…
சென்னையில் நடைபெற்ற நிகழ்வில் பேசிய அமைச்சர் ஆதவ் அர்ஜுனா, தமிழக அரசியலில் இதுவரை எந்த ஒரு தலைவருக்கும் இல்லாத வகையில்…
மதுரை முன்னாள் துணை மேயரும், அதிமுக கொள்கைப் பரப்புத் துணைச் செயலாளருமான பி.எம். மன்னன், தவெக ஆட்சியை கவிழ்க்க ரூ.30…
மேற்கு வங்க மாநிலம் தெற்கு தினாஜ்பூர் மாவட்டம் கங்காராம்பூர் பகுதியைச் சேர்ந்தவர் ரிண்டு சர்க்கார் (46), அரசு பேருந்து நடத்துநராகப்…
தருமபுரி மாவட்டம் மாரண்டஅள்ளி அருகே மனைவியின் முன்னாள் காதலனுடன் ஏற்பட்ட கள்ளக்காதல் தகராறில், இருவரையும் சமாதானம் செய்யச் சென்ற நண்பர்…