“நெஞ்சை பதறவைக்கும் பகீர் சம்பவம்: தேனிலவு சென்ற இடத்தில் டெல்லி பெண் மர்ம மரணம்… நிர்வாண நிலையில் கிடந்த சடலம்…!”

டெல்லியைச் சேர்ந்த 27 வயது மென்பொருள் பொறியாளர் பி. ராதா காயத்ரி என்பவர், தனது கணவருடன் முசூரிக்குச் சுற்றுலா சென்றிருந்த போது அங்குள்ள ஒரு ஹோம்ஸ்டே அறையில் மர்மமான முறையில் உயிரிழந்துள்ளார். அண்மையில் திருமணமான இந்தத் தம்பதியினர், டெல்லியிலிருந்து ரிஷிகேஷ் வழியாக ஜூன் 14 அன்று இரவு முசூரி-தனௌல்டி சாலையில் உள்ள ஹோம்ஸ்டேவிற்கு வந்து தங்கியுள்ளனர்.

திங்கட்கிழமை அதிகாலை மாலையில் இந்தச் சம்பவம் வெளிச்சத்திற்கு வந்துள்ளது. காயத்ரியின் கணவர் சௌம்யா ஸ்ரீசரன் போலீசாரிடம் கூறும்போது, “இரவில் இருவரும் மது அருந்திவிட்டு அதிகாலை 3:30 மணியளவில் தூங்கச் சென்றோம். காலையில் எழுந்து பார்த்தபோது மனைவி மூக்கில் ரத்தம் வடிந்த நிலையில் மயங்கிக் கிடந்தார்” எனத் தெரிவித்துள்ளார். அவசர மருத்துவக் குழுவினர் அங்கு வந்து பரிசோதித்தபோது, காயத்ரி ஏற்கனவே இறந்துவிட்டது உறுதி செய்யப்பட்டது.

இருப்பினும், காயத்ரியின் உடல் ஆடைகளின்றி தரையில் கிடந்ததும், படுக்கை விரிப்பில் ரத்தக் கறைகள் இருந்ததும் பெரும் சந்தேகத்தை ஏற்படுத்தியுள்ளது. அறையிலிருந்து இரண்டு காலி மது பாட்டில்களையும் போலீசார் கைப்பற்றியுள்ளனர். காயத்ரியின் உடலில் வெளிப்படையான காயங்கள் எதுவும் இல்லை என்றும், அவர் குறைந்த ரத்த அழுத்தத்திற்கு சிகிச்சை பெற்று வந்ததாக அவரது குடும்பத்தினர் தெரிவித்துள்ளதாகவும் போலீசார் கூறியுள்ளனர். எனினும், மரணத்திற்கான உண்மையான காரணத்தைக் கண்டறிய தடயவியல் சோதனைகளும், வீடியோ பதிவுடன் கூடிய பிரேதப் பரிசோதனையும் நடத்தப்பட்டு விசாரணை தீவிரமாக நடைபெற்று வருகிறது.