பாகிஸ்தான் நாட்டின் ராவல்பிண்டி நகரில் உள்ள நசீர் அபாத் காவல் எல்லைக்குட்பட்ட ‘தோக் முஸ்தகீம்’ பகுதி விவசாய நிலத்தில், கை மற்றும் கால்கள் கயிற்றால் கட்டப்பட்ட நிலையில் அடையாளம் தெரியாத ஆண் ஒருவரின் சடலம் கண்டெடுக்கப்பட்ட சம்பவம் அப்பகுதியில் பெரும் பீதியையும் அதிர்ச்சியையும் ஏற்படுத்தியுள்ளது.
விவசாய நிலத்திற்குச் சென்ற அப்பகுதி மக்கள், அங்கே சடலம் ஒன்று கிடப்பதைக் கண்டு அதிர்ச்சியடைந்து உடனடியாக நசீர் அபாத் போலிஸாருக்குத் தகவல் தெரிவித்தனர். சம்பவ இடத்திற்கு விரைந்து வந்த போலிஸார், கை, கால்கள் கொடூரமாகக் கட்டப்பட்டு, கழுத்து நெரித்துக் கொல்லப்பட்ட நிலையிலிருந்த அந்த நபரின் உடலைக் கைப்பற்றினர்.
கொல்லப்பட்டவர் யார், அவர் எந்த ஊரைச் சேர்ந்தவர் என்ற விவரங்கள் உடனடியாகத் தெரியவரவில்லை. அந்த நபரை வேறு எங்காவது வைத்து மிளகாய் தூள் மற்றும் கொடூர ஆயுதங்களால் சித்திரவதை செய்து, கழுத்தை நெரித்துக் கொன்றுவிட்டு உடலை இந்த விவசாய நிலத்தில் வீசிச் சென்றனரா என்ற கோணத்தில் போலிஸார் தடயங்களைச் சேகரித்துத் தீவிரமாக விசாரணை நடத்தி வருகின்றனர்.