தமிழகத்தை நெருங்கியது டிட்வா புயல்…. 90 கிமீ வேகத்தில்… சற்றுமுன் வானிலை ஆய்வு மையம் எச்சரிக்கை…!

இலங்கை கடற்பகுதியில் உருவான டிட்வா புயல் தற்போது வட தமிழக பகுதியை நோக்கி எட்டு கிலோமீட்டர் வேகத்தில் நகர்ந்து கொண்டிருக்கிறது. வானிலை ஆய்வு மையத்தின் தகவலின் படி புயல் தற்போது சென்னையில் இருந்து தென்கிழக்கு சுமார் 400 கிலோமீட்டர் தொலைவில் உள்ளது. இந்த புயல் கரையை நோக்கி நகரும் வேகம் சற்று அதிகரித்துள்ளது. தற்போதைய நிலவரப்படி மணிக்கு 8 கிலோமீட்டர் வேகத்தில் புயல் நகர்ந்து கொண்டிருக்கிறது. சென்னைக்கு 400 km தொலைவிலும் புதுச்சேரியில் இருந்து 300 கிலோ மீட்டர் தொலைவிலும் புயல் நிலை கொண்டுள்ளது. புயல் எதிரொலியாக டெல்டா மாவட்டங்களில் கன மழை பெய்து வரும் நிலையில் சென்னையில் கடல் சீற்றத்துடன் காணப்படுகிறது.

நாளை அதிகாலை வட தமிழகம், புதுச்சேரி மற்றும் ஆந்திர கடலோர பகுதிகளை இந்த புயல் நெருங்கும் என்று எதிர்பார்க்கப்படுகிறது. புயல் சென்னையை நெருங்கும் சமயத்தில் அதன் தீவிரம் குறைந்து ஆழ்ந்த காற்றழுத்த தாழ்வு மண்டலமாக வலுவிழந்து கரையை கடக்கும் என்று வானிலை ஆய்வு மையம் கணித்துள்ளது. இருந்தாலும் கடலோரப் பகுதிகளில் மணிக்கு 90 கிலோ மீட்டர் வேகத்தில் தரைக்காற்று வீசும் என எச்சரிக்கை விடுக்கப்பட்டுள்ள நிலையில் மீனவர்கள் யாரும் கடலுக்கு செல்ல வேண்டாம் எனவும் அறிவுறுத்தப்பட்டுள்ளது.