பயிர்க்கடன்களை முழுமையாகத் தள்ளுபடி செய்வது குறித்து முதலமைச்சர் விஜய் விரைவில் அறிவிப்பார் என்று வேளாண் துறை அமைச்சர் வினோத் தெரிவித்துள்ளார். இதுதொடர்பாகப் பலகட்ட ஆலோசனைகள் தீவிரமாக நடைபெற்று வருவதாகவும் அவர் கூறியுள்ளார். முன்னதாக, ₹50,000 வரையிலான பயிர்க்கடன்கள் மட்டுமே முழுமையாகத் தள்ளுபடி செய்யப்படும் என முதலமைச்சர் அறிவித்திருந்த நிலையில், அதற்கு எதிராக மாநிலம் முழுவதும் விவசாயிகளின் போராட்டங்கள் வெடித்தன.
அரசின் முந்தைய அறிவிப்பால் விவசாயிகளுக்குப் பெரிய அளவில் பயன் இல்லை எனக் கூறி, பல்வேறு விவசாய சங்கங்கள் மாநிலம் தழுவிய போராட்டங்களை நடத்தி வருகின்றன. இந்தச் சூழ்நிலையில், விவசாயிகளின் கோரிக்கைகளை ஏற்று, பயிர்க்கடன் முழுவதையும் தள்ளுபடி செய்வது தொடர்பாக அரசு பரிசீலித்து வருவதாக அமைச்சர் வினோத் தற்பொழுது தெரிவித்துள்ளார். அமைச்சரின் இந்த மகிழ்ச்சியான அறிவிப்பு, தொடர் போராட்டத்தில் ஈடுபட்டு வரும் விவசாயிகளுக்கு இடையே தற்பொழுது பெரும் நிம்மதியையும் எதிர்பார்ப்பையும் ஏற்படுத்தியுள்ளது.