நாடாளுமன்ற உறுப்பினர்களைக் (MP) கொண்டுள்ள அரசியல் கட்சிகள் மட்டுமே இந்தியா கூட்டணியில் இணைத்துக் கொள்ளப்படும் என்று காங்கிரஸ் மூத்த தலைவர் மாணிக்கம் தாகூர் தெரிவித்துள்ளார். சென்னையில் செய்தியாளர்களிடம் பேசிய அவர், தமிழக வெற்றிக் கழகத்தில் (தவெக) தற்சமயம் நாடாளுமன்ற உறுப்பினர்கள் எவரும் இல்லாத காரணத்தினாலேயே அக்கட்சி கூட்டணியில் சேர்க்கப்படவில்லை என்று விளக்கமளித்தார்.
மேலும், டெல்லியில் இந்தியா கூட்டணி செயல்படுவது போல, தமிழகத்தில் தவெக தலைமையில் தோழமைக் கட்சிகள் இணைந்துள்ளதாகவும், அதன் முதலாவது கூட்டத்தைக் கட்சியின் தலைவரான விஜய் கூட்டியுள்ளதாகவும் குறிப்பிட்ட அவர், இக்கூட்டத்தில் காங்கிரஸ் கட்சியின் சார்பில் பிரதிநிதிகள் பங்கேற்பார்கள் என்றும் கூறினார்.