தமிழகத்தில் இன்னும் சில மாதங்களில் சட்டமன்றத் தேர்தல் நடைபெற உள்ளதால் தற்போது தேர்தல்களும் நொடிக்கு நொடி பரபரப்பாகவே உள்ளது. குறிப்பாக விஜய் களத்தில் இறங்கியுள்ளதால் அனைத்து கட்சியினரும் தீவிரமாக தேர்தல் பணியில் ஈடுபட்டு வருகின்றன. சமீபத்தில் அதிமுகவிலிருந்து நீக்கப்பட்ட செங்கோட்டையன் விஜய் கட்சியில் இணைந்தது அரசியலில் மிகப்பெரிய விருப்பத்தை ஏற்படுத்தியுள்ளது. கட்சியில் இணைந்த கையோடு செங்கோட்டையன் அதிமுக மற்றும் திமுகவின் முக்கிய நிர்வாகிகளை விஜய் கட்சியில் இணைக்கும் பணியில் தீவிரம் காட்டி வருகின்றார்.
அதிமுகவின் மூத்த நிர்வாகி செங்கோட்டையன் விஜய் கட்சியில் இணைந்தது கட்சிக்கு மேலும் வலு சேர்த்து உள்ளது. இந்நிலையில் சென்னை பனையூரில் உள்ள இல்லத்தில் விஜயை காங்கிரஸ் மூத்த நிர்வாகி பிரவீன் சக்கரவர்த்தி சந்தித்து பேசி வருவதாக தகவல் வெளியாகி உள்ளது. ராகுல் காந்திக்கு நெருக்கமானவருமான பிரவீன் சமீபத்தில் தமிழக வெற்றிக்கழகம் கட்சியை புகழ்ந்து பதிவு ஒன்றை வெளியிட்டு இருந்தார். இதனால் அவர் விஜய் கட்சியில் இணைய உள்ளதாக தகவல் வெளியான நிலையில் இந்த சந்திப்பு தற்போது முக்கியத்துவம் பெறுகிறது. அடுத்தடுத்து விஜய் கட்சியில் முக்கிய புள்ளிகள் இணைந்து வருவது அரசியலில் பரபரப்பை கிளப்பியுள்ளது