தமிழ் சினிமாவின் முன்னணி நட்சத்திரங்களில் ஒருவராக வலம் வருபவர் நடிகர் விஜய். இவர் நடிப்பில் இறுதியாக வெளிவந்த லியோ திரைப்படம் ரசிகர்கள் மத்தியில் நல்ல வரவேற்பு பெற்றது. இதைத்தொடர்ந்து தற்பொழுது இவர் இயக்குனர் வெங்கட் பிரபு இயக்கத்தில் ‘தளபதி 68’ திரைப்படத்தில் நடித்து வருகிறார். இத்திரைப்படத்தை பற்றிய பல்வேறு அப்டேட்டுகள் அவ்வப்பொழுது இணையத்தில் வெளிவந்து ரசிகர்கள் மத்தியில் வைரலாகி வருகிறது.
நடிகர் விஜய்க்கு ஜோடியாக மீனாட்சி சவுத்ரி என்ற தெலுங்கு நடிகை கமிட்டாகியுள்ளார். நாளுக்கு நாள் இத்திரைப்படம் ரசிகர்கள் மத்தியில் மிகப்பெரும் எதிர்பார்ப்பை ஏற்படுத்தி வருகிறது. தளபதி 68 திரைப்படத்திற்கு யுவன் சங்கர் ராஜா இசை அமைக்கிறார். ஏஜிஎஸ் நிறுவனத்தின் பிரம்மாண்ட தயாரிப்பில் இத்திரைப்படம் உருவாகி வருவதும் குறிப்பிடத்தக்கது.
நடிகர் விஜயுடன் பிரபுதேவா, பிரசாந்த், மோகன், சினேகா, லைலா, பிரேம்ஜி என ஒரு நட்சத்திர பட்டாளமே நடித்து வருகின்றனர். மேலும் இத்திரைப்படத்தின் டைட்டிலுடன் கூடிய ஃபர்ஸ்ட் லுக் ஜனவரி 1ஆம் தேதி புத்தாண்டு தினத்தில் வெளியாகும் என்றும், இந்த படம் விஜய்யின் பிறந்தநாள் அன்று திரையரங்குகளில் வெளியாகும் என்றும் கூறப்பட்டு வருகிறது. தற்பொழுது’ தளபதி 68′ திரைப்படத்தின் புது அப்டேட் ஒன்று இணையத்தில் வெளியாகியுள்ளது.
அதாவது நடிகர் விஜய் உடன் 16 ஆண்டுகளுக்கு முன் சிவகாசி, அழகிய தமிழ் மகன் போன்ற திரைப்படங்களில் நடித்த பிரபல காமெடி நடிகரான கஞ்சா கருப்பு இத்திரைப்படத்தில் காமெடி நடிகராக கமிட்டாகியுள்ளாராம். சமீபத்தில் கஞ்சா கருப்பு பட வாய்ப்புகள் இன்றி தனது குழந்தைகளுக்கு ஸ்கூல் பீஸ் கூட கட்ட காசு இல்லை என்று கூறியிருந்தது இணையத்தில் வைரலானது. இந்நிலையில் அவருக்கு இந்த வாய்ப்பு கிடைத்திருப்பது அவரது அதிர்ஷ்டம் தான். இதுகுறித்த அதிகாரப்பூர்வ அறிவிப்பு விரைவில் வெளியாகும் என்றும் எதிர்பார்க்கப்படுகிறது.