சேலம் மாவட்டம் எடப்பாடி ஒன்றியம் சித்தூர் பேருந்து நிலையம் அருகே வசித்து வரும் கதிர்வேல் என்ற 22 வயது வாலிபர் ஈரோடு அரசு கல்லூரியில் நான்காம் ஆண்டு பொறியியல் படிப்பு பயின்று வந்துள்ளார். இவர் வசித்து வரும் வீட்டின் அருகே உள்ள மூன்று வயது மற்றும் இரண்டு வயது பெண் குழந்தைகளுக்கு பிறப்புறுப்பில் காயம் இருந்ததாகவும் குழந்தைகளின் தாய் மருத்துவமனைக்கு அழைத்துச் சென்று பரிசோதனை செய்தபோது மருத்துவர்கள் குழந்தைகள் பாலியல் சீண்டலுக்கு ஆளாகி இருக்கலாம் என்றும் தெரிவித்துள்ளனர். இதனால் அதிர்ச்சி அடைந்த அவர் உடனே மகளிர் காவல் நிலையத்தில் புகார் அளித்துள்ளார்.
இந்த புகாரை தொடர்ந்து கல்லூரி மாணவன் கதிர்வேலை கைது செய்த போலீசார் விசாரணை மேற்கொண்ட போது அவர் பாலியல் சீடலில் ஈடுபட்டதை ஒப்பு கொண்டார். இதனைத் தொடர்ந்து கல்லூரி மாணவனை போக்சோ சட்டத்தின் கீழ் கைது செய்துள்ள போலீசார் நீதிமன்றத்தில் ஆஜர் படுத்தி சிறையில் அடைத்தனர். இரண்டு பெண் குழந்தைகளுக்கு பாலியல் சீண்டலில் ஈடுபட்ட கல்லூரி மாணவனை கைது செய்து சிறையில் அடைத்த இந்த சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.