BREAKING: CNG விலையும் உயர்ந்தது… காலையிலேயே அடுத்தடுத்த ஷாக்…!

பெட்ரோல் மற்றும் டீசல் விலையேற்றத்தைத் தொடர்ந்து, தற்போது வாகனங்களுக்கான CNG விலையும் அதிரடியாக உயர்த்தப்பட்டுள்ளது. இதற்கு முன்பு ஒரு கிலோ CNG ₹91.50-க்கு விற்பனை செய்யப்பட்டு வந்த நிலையில், தற்போது கிலோவுக்கு ₹2 உயர்த்தப்பட்டு ₹93.50 ஆக விலை நிர்ணயம் செய்யப்பட்டுள்ளது. ஏற்கனவே வணிக ரீதியிலான கேஸ் சிலிண்டர்களின் விலை கணிசமாக உயர்ந்திருந்த நிலையில், இந்த திடீர் விலையேற்றம் வாகன உரிமையாளர்கள் மற்றும் பொதுமக்களிடையே பெரும் கவலையை ஏற்படுத்தியுள்ளது.

இந்தத் தொடர் விலையேற்றமானது போக்குவரத்துச் செலவுகளை நேரடியாகப் பாதிப்பதோடு, அத்தியாவசியப் பொருட்களின் விலை உயர்வுக்கும் வழிவகுக்கும் என அஞ்சப்படுகிறது. எரிபொருள் சிக்கனத்திற்காக CNG வாகனங்களுக்கு மாறிய நடுத்தர வர்க்கத்தினர் மற்றும் வாடகை வாகன ஓட்டிகள், இந்த அடுத்தடுத்த விலை உயர்வால் கடும் பொருளாதார நெருக்கடிக்கு ஆளாகியுள்ளனர். பெட்ரோல், டீசல் மற்றும் கேஸ் விலைகள் போட்டிபோட்டுக்கொண்டு உயர்வது வாகன ஓட்டிகளுக்கு பெரும் அதிர்ச்சியையும் அதிருப்தியையும் அளிப்பதாக உள்ளது.