ஒத்த பூனையை பார்த்துக்கிட்டா மொத்த சொத்தையும் எழுதி தரேன்.. 82 வயது முதியவர் வெளியிட்ட செய்தி.. நீங்க ரெடியா இருக்கீங்களா..?

சீனாவை சேர்ந்த 82 வயது முதியவர் ஒருவர் தான் இறந்த பிறகு தன்னுடைய பூனையை பராமரிக்க விரும்புவோருக்கு தன்னுடைய முழு சொத்தையும் கொடுத்து விடுவதாக தெரிவித்துள்ளார். சீனாவை சேர்ந்த லாங் என்ற 82 வயது முதியவர் குவாங்டாங் மாகாணத்தில் தனியாக வசித்து வருகின்றார். பத்து வருடங்களுக்கு முன்பு அவருடைய மனைவி உயிரிழந்த நிலையில் குழந்தைகள் இல்லாததால் தனது துணைக்கு 4 தெரு பூனைகளை எடுத்து லாங் வளர்த்து வந்துள்ளார்.

இந்த 4 பூனைகளில் சியான்பா என்ற பூனை மட்டுமே இன்னும் அவருடன் இருக்கும் நிலையில் தான் உயிரிழந்த பிறகு அந்த பூனையை யார் பார்த்துக் கொள்வது என்று கவலைப்பட்ட அவர் சியான்பாவை வாழ்நாள் முழுவதும் கவனித்துக் கொள்ளக்கூடிய நபரை தேடி வருகின்றார். இந்நிலையில் அவருடைய பூனையை பத்திரமாக பார்த்துக் கொள்பவருக்கு தன்னுடைய அடுக்குமாடி குடியிருப்பு மற்றும் சேமிப்புகள் உள்ளிட்ட மொத்த எஸ்டேட்டையும் வழங்குவதாக அவர் தெரிவித்துள்ளார். இந்த செய்தி தற்போது இணையத்தில் வைரலாகி வருகிறது.