“கட்சி தொடங்கி இரண்டே ஆண்டுகளில் ஆட்சிக்கு வந்துவிட்டதாகக் கூறுகிறார்கள். ஆனால், இந்த 2 ஆண்டுகள் வலியும் வேதனையும் நிறைந்தது. பல்வேறு சூழ்ச்சிகளைத் தாண்டித்தான் நாங்கள் இந்த வெற்றியைப் பெற்றுள்ளோம்” என்று முதலமைச்சர் விஜய் சட்டமன்றத்தில் உருக்கமாகப் பேசியுள்ளார். த.வெ.க-வின் இந்த குறுகிய கால அசுர வளர்ச்சியை மிக எளிதாகக் கடந்து பேசுபவர்களுக்குப் பதிலடி கொடுக்கும் வகையில் அவரது இந்த உரை அமைந்துள்ளது. தங்களின் இந்த இமாலய வெற்றிக்கு பின்னால் இருந்த எண்ணற்ற துயரங்களையும், அரசியல் எதிர்ப்புகளையும், சூழ்ச்சிகளையும் கடந்துதான் தற்போதைய நிலையை அடைந்துள்ளோம் என்பதை அவர் “வலியும் வேதனையும்” என்ற தலைப்பின் கீழ் விவரித்துள்ளார்.
சட்டப்பேரவையில் ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் பேசிய அவர், வெளியில் இருந்து பார்ப்பவர்களுக்கு இரண்டு ஆண்டுகள் என்பது மிகக் குறுகிய காலமாகத் தோன்றலாம், ஆனால் களத்தில் தாங்கள் சந்தித்த சவால்கள் மிக அதிகம் எனக் குறிப்பிட்டுள்ளார். பல்வேறு தரப்பிலிருந்து அரசியல் ரீதியாக வைக்கப்பட்ட முட்டுக்கட்டைகளையும், தங்களுக்கு எதிராகத் தீட்டப்பட்ட சூழ்ச்சிகளையும் தங்களது தொண்டர்களின் அர்ப்பணிப்பாலும் மக்கள் ஆதரவாலும் மட்டுமே முறியடிக்க முடிந்ததாக அவர் பெருமிதம் தெரிவித்துள்ளார். தற்போதைய அரசியல் சூழலில் முதலமைச்சரின் இந்த உருக்கமான மற்றும் எதார்த்தமான உரை அவரது கட்சியினர் மத்தியில் நெகிழ்ச்சியை ஏற்படுத்தியுள்ளது.