தமிழக அரசியல் வரலாற்றில் ஒரு முக்கிய மாற்றமாக, தமிழக வெற்றிக் கழகத்தின் தலைவர் விஜய் இன்று (மே 10) முதலமைச்சராகப் பதவியேற்கும் நிகழ்வு பெரும் கவனத்தைப் பெற்றுள்ளது. வழக்கமாக தமிழக அரசியல் தலைவர்கள் என்றாலே வெள்ளை வேட்டி, சட்டை அணிந்த உருவமே மக்களின் நினைவுக்கு வரும். ஆனால், விஜய் தனது பதவியேற்பு விழாவிற்கு வெள்ளைச் சட்டை மற்றும் கருப்புப் பேண்ட் அணிந்து வருகை தந்தது, அந்த மரபுவழி அடையாளத்தை உடைப்பதாக அமைந்துள்ளது. அரசியல் பிரவேசத்திற்குப் பிறகு அவர் காக்கி பேண்ட் அணிந்து வந்த நிலையில், இன்று கருப்பு பேண்ட் அணிந்திருப்பது ஒரு புதிய தோற்றப் பொலிவை அவருக்கு அளித்துள்ளது.
இந்த ஆடை மாற்றம் வெறும் ஃபேஷன் சார்ந்தது மட்டுமல்லாமல், ஒரு தலைமுறை மாற்றத்தின் அடையாளமாகவும் பார்க்கப்படுகிறது. முந்தைய தலைமுறைத் தலைவர்கள் பாரம்பரிய உடைகளுக்கு முக்கியத்துவம் அளித்த நிலையில், விஜய் போன்ற புதிய தலைமுறைத் தலைவர்கள் நவீன மற்றும் எளிமையான உடைகளுடன் அரசியலில் தடம் பதிக்கின்றனர். இதுவரை வேட்டி, சட்டையில் தலைவர்களைப் பார்த்துப் பழகிய மக்களுக்கு, பேண்ட், சட்டை அணிந்து ஒரு மாநிலத்தின் உயரிய பொறுப்பை ஏற்கும் இந்த “புதிய தலைமுறைத் தலைவரின்” வருகை ஒரு வியப்பையும், அரசியல் களத்தில் ஒரு புதுமையையும் ஏற்படுத்தியுள்ளது.