எடப்பாடி பழனிசாமி அவர்கள் மதுராந்தகம் தொகுதி இடைத்தேர்தல் பரப்புரையில், தமிழக வெற்றிக் கழகத் தலைவரும் முதலமைச்சருமான விஜய்யை மிகக் கடுமையாகச் சாடியுள்ளார். தவெக வேட்பாளரை எதிர்த்து அதிமுக வேட்பாளர் கனிகா சம்பத்தை ஆதரித்துப் பேசிய அவர், தவெக ஆட்சி என்பது வெறும் “ரீல்ஸ்” மற்றும் விளம்பர வெளிச்சத்தில் மட்டுமே இயங்குவதாகவும், அவர்களுக்கு உண்மையான மக்கள் சேவைக்கும் களப்பணிக்கும் எந்தத் தொடர்பும் இல்லை என்றும் விமர்சித்தார். அதிமுக 52 ஆண்டுகாலப் பாரம்பரியமிக்க “ரியல்” கட்சி எனக் குறிப்பிட்ட அவர், மூன்று ஆண்டுகள் கூட ஆகாத ஒரு கட்சிக்கு இவ்வளவு ஆட்டம் ஆகாது என்றும், அனுபவமற்ற பேச்சுகளைக் கட்டுப்படுத்த வேண்டும் என்றும் எச்சரித்தார்.
முதலமைச்சர் விஜய்யின் நிர்வாகச் செயல்பாடுகளைக் கேள்விக்குள்ளாக்கிய பழனிசாமி, மாநிலத்தின் சட்டம் ஒழுங்கு சீர்கெட்டுப் போய் தினசரி கொலைகள் நடக்கும் நிலையிலும், முதல்வர் வெள்ளிக்கிழமை மாலையானால் வீட்டிற்குச் சென்றுவிட்டு திங்கட்கிழமை காலையில் தான் அலுவலகம் வருகிறார் எனக் குற்றம்சாட்டினார். சினிமா நடிப்பைத் தாண்டி நிஜ வாழ்விலும் அவர் நடித்து வருவதாகச் சாடிய எடப்பாடி, முதலீடுகளை ஈர்ப்பதாகக் கூறி அவர் மேற்கொண்ட லண்டன் பயணம் ஒரு உல்லாசச் சுற்றுலா மட்டுமே என்றும், சென்னையில் உள்ள நிறுவனங்களுக்கு லண்டனில் போய் ஒப்பந்தம் போடுவதன் பின்னணியில் உள்ள உண்மை என்னவென்றும் கேள்வி எழுப்பினார்.
மேலும், கரூர் பிரச்சாரக் கூட்ட நெரிசலில் 41 பேர் உயிரிழந்த சம்பவத்தைச் சுட்டிக்காட்டிய எடப்பாடி, விபத்து நடந்த நேரத்தில் பாதிக்கப்பட்டவர்களை நேரில் சென்று பார்க்காமல் விமானம் ஏறி சென்னைக்குச் சென்று, 72 நாட்கள் வீட்டை விட்டு வெளியே வராமல் ஒதுங்கியிருந்ததாகத் தவெக தலைவரைக் கடுமையாகச் சாடினார். உயிரிழந்தவர்களின் குடும்பங்களைக் கூட நேரில் சென்று சந்திக்காமல், அவர்களைச் சென்னைக்கு வரவழைத்துப் பார்த்த நபர் எப்படி நாட்டு மக்களைக் காப்பாற்ற முடியும் என்று கேள்வி எழுப்பிய அவர், தவெக என்பது வெறும் நெல்லிக்காய் மூட்டை போன்றது, அது விரைவில் சிதறிப்போய்விடும் எனக் கணித்தார்.
இறுதியாக, மதுராந்தகத்தில் அதிமுக சார்பில் வெற்றி பெற்றவர்களைக் குதிரை பேரம் மூலம் விலைக்கு வாங்கி, ராஜினாமா செய்ய வைத்து தவெகவில் சேர்த்துக் கொண்டதே இந்த இடைத்தேர்தல் திணிக்கப்பட்டதற்குக் காரணம் என அவர் சாடினார். இத்தகைய சுயநல அரசியலுக்கும் வெட்கக்கேடான குதிரை பேரத்திற்கும் முற்றுப்புள்ளி வைக்கும் வகையில், வரவிருக்கும் இடைத்தேர்தலில் மதுராந்தகம் தொகுதியில் தமிழக வெற்றிக் கழகம் டெபாசிட் இழக்க வேண்டும் என்றும், அதிமுகவின் மக்கள் சேவையை உணர்ந்து இரட்டை மெழுகுவர்த்தி/சின்னத்திற்கு வாக்களிக்குமாறும் எடப்பாடி பழனிசாமி மக்களிடம் கேட்டுக்கொண்டார்.
திருவனந்தபுரம் அருகே உள்ள நெடுமங்காடு அரசு தாலுகா மருத்துவமனையில் பணியாற்றி வந்த பயிற்சி பெண் மருத்துவர் ஒருவருக்கு மூத்த டாக்டர்…
ஹைதராபாத் கே.பி.எச்.பி பகுதியில் தங்கள் குழந்தையைக் கொன்றுவிட்டுப் பெற்றோரும் தற்கொலை செய்துகொண்ட சம்பவத்தில் புதிய திருப்பம் ஏற்பட்டுள்ளது. தங்களுக்குள் இருந்த…
தமிழக வெற்றிக் கழகத்தின் தலைமையிலான அரசு பொறுப்பேற்றதில் இருந்தே, டாஸ்மாக் நிர்வாகத்தில் பல்வேறு சீர்திருத்தங்களும் மாற்றங்களும் மேற்கொள்ளப்பட்டு வருகின்றன. அதன்…
அகமதாபாத் கோமதிபூர் பகுதியில் நவம்பர் 10-ஆம் தேதி இரவு சிறுவர்களுக்கு இடையிலான சண்டையைத் தடுக்க முயன்ற ஒருவர் மீது கொடூரமான…
அசாம் மாநிலம் கவுகாத்தியில், அருணாப் கலிதா என்ற 12-ஆம் வகுப்பு மாணவர் தனது தாயார் சந்திராணி கலிதாவை கத்தியால் குத்திவிட்டு,…
உத்தரப் பிரதேச மாநிலம் முசாபர்நகர் மாவட்டத்தில், திருமண ஊர்வலத்தின் போது மணமகன் ஒருவர் ரதத்தில் அமர்ந்தபடி மகிழ்ச்சியுடன் துப்பாக்கியால் வானத்தை…