திருச்சி கிழக்கு தொகுதி முடிவை மாற்றியமைக்கும் வகையில், தமிழ்நாடு நகர்ப்புற வாழ்விட மேம்பாட்டு வாரியத் தலைவராக கு.பா.கிருஷ்ணனை நியமித்து முதலமைச்சர் விஜய் உத்தரவிட்டுள்ளார். இந்த வாரியத்தின் புதிய தலைவராகப் பொறுப்பேற்கும் அவர், ஏழை எளிய மக்களுக்கான புதிய குடியிருப்புகளை உருவாக்குதல் மற்றும் உறைவிடங்களில் மறுகுடியமர்வு செய்தல் போன்ற முக்கியப் பணிகளை மேற்கொள்ளவுள்ளார். முன்னதாக, திருச்சி கிழக்கு இடைத்தேர்தலில் தவெக சார்பில் கு.பா.கிருஷ்ணன் வேட்பாளராகப் போட்டியிடலாம் என்று அரசியல் வட்டாரத்தில் பரவலாகப் பேசப்பட்டு வந்தது குறிப்பிடத்தக்கது.
தற்போது அவருக்கு இந்த முக்கிய வாரியத் தலைவர் பதவி வழங்கப்பட்டுள்ளதால், திருச்சி கிழக்கு இடைத்தேர்தல் களம் புதிய திருப்பத்தைச் சந்தித்துள்ளது. இதன் காரணமாக, கு.பா.கிருஷ்ணனுக்குப் பதிலாக வேறொரு வலுவான வேட்பாளரை அந்தத் தொகுதியில் நிறுத்த தவெக தலைமை தற்போது முடிவெடுத்துள்ளதாகத் தகவல்கள் வெளியாகியுள்ளன. இந்த அதிரடி அறிவிப்பு திருச்சி மாவட்ட அரசியல் வட்டாரத்திலும், தவெக தொண்டர்களிடையேயும் பெரும் பரபரப்பை ஏற்படுத்தியுள்ளது.