பராசக்தி படத்தை தொடர்ந்து நடிகர் சிவகார்த்திகேயன் அடுத்ததாக சேயோன் என்ற படத்தில் நடிக்கிறார். தாய்கிழவி பட இயக்குனர் சிவக்குமார் முருகேசன் இயக்கத்தில் இந்த படம் உருவாகிறது. ராஜ்கமல் பிலிம்ஸ் நிறுவனம் சேயோன் படத்தை தயாரிக்கிறது. சமீபத்தில் நடிகர் சிவகார்த்திகேயன் நடித்த சில காட்சிகளுடன் சேயோன் டைட்டில் வீடியோ மற்றும் பர்ஸ்ட் லுக் போஸ்டர் வெளியானது.
இதுகுறித்து சினிமா விமர்சகர் ப்ளு சட்டை மாறன் கடுமையாக விமர்சனம் செய்திருக்கிறார். தன்னுடைய எக்ஸ் பக்கத்தில் ப்ளூ சட்டை மாறன் கூறியிருப்பதாவது, போஸ்டர்ல அருவாள் கத்தி துப்பாக்கி ரத்தம் சிகரெட் இல்லாம ஒருத்தனும் போஸ் தர மாட்டேங்கறான். பிரமோஷன் டைம்ல கல்லூரி மாணவர்கள் பெத்தவங்களை மதிக்கணும், நல்லா படிக்கணும்ன்னு புத்திமதிகள் வேற என்று கிண்டல் செய்து இருக்கிறார். இது இணையத்தில் பேசுபொருளாக மாறியுள்ளது.