தலைநகர் சென்னையே தமிழக வெற்றிக் கழகத்தின் வசமாகியுள்ளது. சென்னையில் உள்ள மொத்தமுள்ள 16 சட்டமன்றத் தொகுதிகளிலும் தவெக வேட்பாளர்கள் அபாரமான முன்னிலை பெற்றுள்ளனர். திராவிடக் கட்சிகளின் மிக முக்கியமான அரசியல் தளமாகக் கருதப்படும் சென்னையில், தவெக பெற்றுள்ள இந்த முழுமையான முன்னிலை தமிழக அரசியலில் ஒரு மாபெரும் மாற்றத்தை உறுதி செய்துள்ளது.
அரசியல் தலைநகரான சென்னையில் ஒரு தொகுதியைக் கூட மற்ற கட்சிகளுக்கு விட்டுக்கொடுக்காமல் 16 இடங்களிலும் தவெக ஆதிக்கம் செலுத்துவது, அக்கட்சியின் தலைவர் விஜய் மீதான மக்களின் நம்பிக்கையை வெளிப்படுத்துகிறது. அமைச்சர்கள் மற்றும் முக்கியத் தலைவர்கள் பலரும் பின்தங்கியுள்ள நிலையில், சென்னையை மொத்தமாகத் தன்வசப்படுத்தியுள்ள தவெக-வின் இந்த வேகம், தமிழகத்தின் ஆட்சி அதிகாரத்தைக் கைப்பற்றுவதற்கான முக்கிய மைல்கல்லாகப் பார்க்கப்படுகிறது. இச்செய்தி வெளியானதும் தவெக தொண்டர்கள் தமிழகம் முழுவதும் கொண்டாட்டங்களில் ஈடுபட்டு வருகின்றனர்.