கடந்த 2024 மக்களவைத் தேர்தலில் விருதுநகர் தொகுதியில் காங்கிரஸ் வேட்பாளர் மாணிக்கம் தாகூரின் வெற்றியை எதிர்த்து தேமுதிக சார்பில் போட்டியிட்ட விஜய பிரபாகரன் தொடர்ந்த தேர்தல் வழக்கை வாபஸ் பெற்றது அரசியல் அரங்கில் பல்வேறு விவாதங்களை ஏற்படுத்தியுள்ளது. பொது வாழ்வில் கூடுதல் கவனம் செலுத்தவுள்ளதாகக் கூறி இந்த வழக்கு வாபஸ் பெறப்பட்டிருந்தாலும், திமுக கூட்டணியிலிருந்து காங்கிரஸ் விலகிய சூழலில் இக்காலக்கட்டத்தில் இந்த முடிவு எடுக்கப்பட்டிருப்பது திமுக தரப்பையும், அறிவாலயத்தையும் உற்றுநோக்கச் செய்துள்ளதாக அரசியல் விமர்சகர்கள் கருத்து தெரிவிக்கின்றனர்.
இதனிடையே, சட்டப்பேரவை அமர்வுகளின் போது ஆளுங்கட்சிக்கு எதிராகக் கடும் கண்டனங்களை எழுப்பி வந்த தேமுதிக பொதுச்செயலாளர் பிரேமலதா விஜயகாந்த், அதன்பின்னர் தவெகவுக்கு எதிரான விமர்சனங்களை ஒருசில பேட்டிகளுடன் சுருக்கிக் கொண்டிருப்பதும் தற்போதைய அரசியல் சூழலில் கவனிக்கத்தக்க மாற்றமாகப் பார்க்கப்படுகிறது. எதிர்க்கட்சிகளின் இந்த அனல் குறைந்த அணுகுமுறையும், வழக்குகளை வாபஸ் பெறும் நடவடிக்கைகளும் தமிழக அரசியலில் புதியதொரு திசையை நோக்கி காய்நகர்த்தல்கள் நடப்பதை உணர்த்துவதாக நடுநிலையாளர்கள் சுட்டிக்காட்டுகின்றனர்.