‘நான் வீழ்வேனென்று நினைத்தாயோ’… ரசிகர்களை பாத்து தம்ஸ் அப் காட்டிய கேப்டன் விஜயகாந்த்.. வைரலாகும் லேட்டஸ்ட் வீடியோ…

தமிழ் சினிமாவின் முன்னணி ஹீரோக்களில் ஒருவராக வலம் வந்தவர் நடிகர் விஜயகாந்த். இவர் சமீபத்தில் உடல்நிலை சரியில்லாததால் சென்னை போரூரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்றுவந்தார்.  மருத்துவமனை அவரது உடல்நிலை சீராக இல்லை என அறிக்கை வெளியிட்டதும் ரசிகர்கள் பதறிப்போயினர். இதைத்தொடர்ந்து பல்வேறு வதந்திகளும் பரப்பப்பட்டது.

இதைத்தொடர்ந்து நடிகர் விஜயகாந்தின் மனைவி  பிரேமலதா வீடியோ வெளியிட்டு  ‘கேப்டன் ஆரோக்கியமாக இருக்கிறார். யாரும் வதந்திகளை பரப்பவும் வேண்டாம், நம்பவும் வேண்டாம். விரைவில் வீடு திரும்பி விடுவோம்’ என்று மருத்துவமனையில் விஜயகாந்த் உடன் எடுத்த புகைப்படங்களை வெளியிட்டு கூறியிருந்தார்.

இந்நிலையில் நடிகர் விஜயகாந்த் அவர்கள் பூரண குணமடைந்து வீடு திரும்பிவிட்டதாக மருத்துவமனையும் அறிக்கை வெளியிட்டிருந்தது. இந்நிலையில் இன்று தேமுதிக-வின் பொதுக்குழு செயற்குழு கூட்டம் சென்னையில் விஜயகாந்த் தலைமையில் இன்று நடைபெற்றது. இந்த நிகழ்ச்சியில் மருத்துவமனையில் இருந்து டிஸ்சார்ஜ் செய்யப்பட்ட நடிகர் விஜயகாந்த் கலந்து கொண்டுள்ளார். இந்த கூட்டத்தில் தேமுதிக பொதுச் செயலாளராக பிரேமலதா விஜயகாந்த் தேர்வு செய்யப்பட்டார்.

இந்த நிகழ்ச்சிக்கு விஜயகாந்த் அவர்களை வீல் சேரில் வைத்து அழைத்து வரப்பட்டதை பார்த்த  பெண் தொண்டர்கள் கண்ணீர் விட்டு கலங்கிஅழுதனர். இதை தொடர்ந்து நடிகர் விஜயகாந்த கட்சி நிர்வாகிகளை நோக்கி தம்ஸ் அப் காட்டி உற்சாகப்படுத்தினார். இந்த வீடியோ தற்பொழுது இணையத்தில் வெளியாகி வைரலாகி வருகிறது. இதோ அந்த வீடியோ…