பகீர்!… பயணிகள் மீது ஏறிய பேருந்து… சிறுவர் உட்பட 4 பேர் காயம்.. கர்நாடகாவில் அரங்கேறிய கோர விபத்து…!!!

கர்நாடகாவின் ஹாவேரி மத்திய பேருந்து நிலையத்தில் புதன்கிழமை காலை 7 மணியளவில் அரங்கேறிய கோர விபத்து பெரும் அதிர்ச்சியை ஏற்படுத்தியுள்ளது. பயணிகள் நடைமேடையில் நின்று பேருந்துக்காகக் காத்திருந்தபோது, ஹாவேரியிலிருந்து லட்சுமேஷ்வர் நோக்கிச் சென்ற அதிவேகப் பேருந்து கட்டுப்பாட்டை இழந்து அவர்கள் மீது மோதியது. இந்த திடீர் மோதலால் பேருந்து நிலையமே போர்க்களமாக மாறியதுடன், அங்கு நின்றிருந்த மக்கள் பீதியடைந்து நாலாபுறமும் சிதறி ஓடினர்.

இந்த விபத்தில் சவனூரைச் சேர்ந்த 2 வயது சிறுவன் ஹஸ்ரத் அலி உட்பட நான்கு பேர் காயமடைந்தனர். சிறுவனின் முழங்காலில் பலத்த காயம் ஏற்பட்டதால், முதலுதவிக்குப் பிறகு மேல் சிகிச்சைக்காக ஹுப்பள்ளியில் உள்ள KIMS மருத்துவமனைக்கு மாற்றப்பட்டார். அங்கு சிறுவனின் நிலைமை கவலைக்கிடமாக இருப்பதாக மருத்துவர்கள் தெரிவித்துள்ளனர். இவருடன் பாங்காபூரைச் சேர்ந்த வாசுதேவ் (44), ஹர்ஷா (6) மற்றும் காவ்யாஞ்சலி (39) ஆகியோரும் காயமடைந்து மாவட்ட மருத்துவமனையில் சிகிச்சை பெற்று வருகின்றனர்.

விபத்து நடந்தவுடன் பேருந்து ஓட்டுநர் சம்பவ இடத்திலிருந்து தப்பி ஓடிவிட்டதாக நேரில் பார்த்தவர்கள் தெரிவிக்கின்றனர். பேருந்து நிலையத்திற்குள் அதிவேகமாக நுழைந்ததே விபத்துக்கு முக்கியக் காரணம் என முதற்கட்ட தகவல்கள் தெரிவிக்கின்றன. இது ஓட்டுநரின் கவனக்குறைவா அல்லது பேருந்தின் தொழில்நுட்பக் கோளாறா என்பது குறித்து ஹாவேரி நகர போலீசார் வழக்குப் பதிவு செய்து தீவிர விசாரணை நடத்தி வருகின்றனர். தப்பியோடிய ஓட்டுநரைத் தேடும் பணியும் முடுக்கிவிடப்பட்டுள்ளது.

https://www.ndtv.com/india-news/video-toddler-among-4-injured-as-bus-rams-passengers-in-karnataka-11297106