அட கொடுமையே…. கள்ளக்காதலன் மீது ஆசிட் ஊற்றி கொடூர கொலை… கணவனைப் பிரிந்த பெண்ணின் வெறிச்செயல்… ஆந்திராவில் அரங்கேறிய பகீர் சம்பவம்…!

விசியநகரம் மாவட்டம், காரிவிடி மண்டலம், கண்டிபேட்டை கிராமத்தில் கொடூரமான சம்பவம் ஒன்று நடந்துள்ளது. கணவரைப் பிரிந்து வாழ்ந்து வந்த ராமுலம்மா என்ற பெண், தனது தாய்வழி உறவினர் சீனு என்பவருடன் சேர்ந்து வாழ்ந்து வந்துள்ளார். இதனிடையே சீனுவும் தனது மனைவியைப் பிரிந்து வாழ்பவர் என்பது காவல்துறை விசாரணையில் தெரியவந்துள்ளது.

ஒருநாள் இருவருக்கும் இடையே ஏற்பட்ட தகராறு முற்றிய நிலையில், ஆத்திரமடைந்த ராமுலம்மா, சீனுவின் மண்டையில் இரும்பு கம்பியால் கடுமையாகத் தாக்கியுள்ளார். அதுமட்டுமின்றி, அவர் மீது ஆசிட்டையும் ஊற்றியுள்ளார். இதனால் படுகாயமடைந்த சீனு சம்பவ இடத்திலேயே பரிதாபமாக உயிரிழந்தார்.

தனது கள்ளக்காதலனைக் கொன்ற பிறகு, குற்றவுணர்ச்சியிலும் பயத்திலும் ராமுலம்மா பயிர் நாசகாரப் பூச்சிக்கொல்லி மருந்தைக் குடித்து தற்கொலைக்கு முயன்றுள்ளார். இதைக் கண்ட உள்ளூர் மக்கள் அவரை உடனடியாக மீட்டு மருத்துவமனையில் சேர்த்தனர். இச்சம்பவம் குறித்து வழக்குப் பதிவு செய்துள்ள காவல்துறையினர், சம்பவ இடத்தைப் பார்வையிட்டு தீவிர விசாரணை நடத்தி வருகின்றனர்.